Taaua
Whakahirahira ana te mahi a te kapahaka a Tomairangi - a Taniwharau - o Tainui ra, i Te Whare Tapere o Te Whanganui-a-Tara i to ratou hokinga mai i Poihakena! Kiki ana te whare - ‘Ano ko te whare whawhao a Te Aokapurangi! ‘ - Maori mai, Pakeha mai.
Tena nei, e moe 6 kanohi, ka waiho ma tetahi atu e panui aku korero ki a koe -
E noho mai ana i te atamira, tata tonu kite kotahi rau te hunga whakatangitangi taonga puoro - tane, wahine - he mangu katoa nga kakahu, ko nga hate o nga tane, he ma (i ahua ngawari ake ai kite tirohanga kanohi)! Nga momo taonga whakatangitangi katoa - toru tekau nuku atu nga whlra, mai i nga mea itiiti e mohio nei tatou, ki nga mea nunui, me tu rawa te tangata whakatangi! - E whia tekau ra nei nga momo koauau - pera ano i nga whira - he itiiti, a, ka nunui haere, e, ka taea e te tamaiti
tekau nga tau te noho i roto i te puwaha o tetahi! Na, katahi ka whakapokongia nga
rama, ka whakaeke mai he wahanga o te kapa haka kite atamira, ka paoro te reo o te kaikaranga... ka tomo mai te nuinga atu o ratou i te kuaha, o mua, ka whakautua nga karanga, a, eke noa kite atamira! Ihiihi ana! Katahi ano ka whakakahangia ake nga rama - “Matawai ana nga whatu i te tirohanga atu!” Ko te kapahaka e rarangi mai ana i mua, ko te Symphony Orchestra o Aotearoa te kotahi rau e noho mai ra i muri. Ka mau ke te wehi!
Heoi rate whakaahua o tera po whakahirahira - rata pai ratou ki a ratou. Ka haere nga mahi i whakaritea hei whakangahau i te whakaminenga. Tata kite rua haora e mahi ana - he wa ko te hunga whakatangitangi, he wa ko Taniwharau - he wa ano ko raua tahi ka mahi tahi - PAREKAREKA!
Ko wai ka hua, he aha te roanga atu o enei tu whakahaere - te mahi tahi - na reira hoki i whakaingoatia ai ko TAAUA!
Kua hau mai te rongo o te mahi tahi a Ngai Tahu raua ko te Symphony Orchestra ina tata nei i Otautahi.
I Akarana, ko te ropu kanikani Maori ‘Black Grace’. Tirohia nga panui, haere kite matakitaki, kite tautoko i nga mahi a te whakatupuranga Rua Mano!
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20001201.2.11
Bibliographic details
Ngā taipitopito pukapuka
Muka, Volume 13, Issue 2, 1 December 2000, Page 7
Word count
Tapeke kupu
384Taaua Muka, Volume 13, Issue 2, 1 December 2000, Page 7
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in