Haami Piripi

Muka, Volume 13, Issue 1, 1 July 2000, Page 2

Haami Piripi

Ite wa e kimi ana te nuinga i nga mahi, i nga kokiri, i nga ahuatanga mo te tau rua mano, ko Te Taura Whiri i te Reo Maori e rapu ke ana i te ara e whiwhi ai i tetahi kaihautu kakama. Tata kite torn marama i whakahaeretia tenei whainga. Neke atu i te tekau ma rua nga kaitono mai i ata tirohia. Ahakoa te pai o te katoa, me ata whakaaro kia tatu nga whakaaro ki te toko ono. Ko enei i hui tahi ki nga kaiwhiri katoa. Ka mutu nga mahi nei ka tau nga whakaaro kite kotahi.

Ka mihi hoki ki a Haami Piripi, i whakarere nei i tona turanga whakahaere i roto i te Tari Whakatika Hamene o te Ratonga Herehere. Ka roa ia e mahi ana i roto i nga Tari o te Kawanatanga, ara Te Puni Kokiri, Te Papa Atawhai, te Tari Ture, Te Tari Mahi, Te Tari Toko i te Ora.

Ehara i enei anake nga mahi i mahia. Nana ano te korero ko ona iwi ko Ngapuhi-nui-tonu, mai i te Rerenga Wairua ki Tamaki-makau-rau, ona marae korero me nga tatai kite whenua e pumau ana ki reira. Ka roa a Haami e whai ana kia tatu nga take o tona iwi o Te Rarawa i mua i te Te Ropu Whakamana i te Tiriti o Waitangi, na, kua tohungia e Te Rarawa ko ia hei kaiwhakahaere i o ratou kereme. I roto i tona taha ki Ngapuhi, kua whakaturia ia hei heamana mo nga kaitiaki o Waima Topu B, te whenua o Te Mahurehure.

Ahakoa enei, ka tupono tana titiro kite reo i korerotia e kui ma, e koro ma, hei kaituari mo te reo, hei kai-awhina i nga kaiwhiri, hei kanohi, hei mangai hoki mo ratou ma e kaingakau ana kite reo rangatira. Ka mihi Te Taura Whiri i te Reo Maori ki a ia mete tohu atu kia hangai tonu kite kaupapa ina hoki kua urn mai ia hei Kaimahi Tuatahi. Koia ra to matou kai whakahaere; ka mihi atu. E pai ra mehemea ka tapiri mai te tautoko o te iwi whanui.