Te Hono ki Te ReoInto Te Reo
Nā Kaiwhiri Miria Simpson
No te po o te Taite, te 20 o nga ra o Hongongoi te powhiri a Te Taura Whiri i te Reo Maori kite hunga ngakau nui ki to tatou reo, kia whakaeke mai ki tona tari kite matakitaki i nga panui hou i hangaia marire mo te pouaka whakaata mo te Wiki o Te Reo Maori. Ohorere ana matou i te nui o te ope whakaeke - ki tonu to matou whare, “Ano ko te whare whawhao a Te Aokapurangi.” Na Mahara Okeroa ka rangatira ta matou po - Ten a rawa atu koe, Mahara!
Tupu ake ana te whakaaro, ae marika, kei te whaia kia mau tonu to tatou reo rangatira. Ko ta matou manu korihi ko te tamahine a Te Okanga Huata, ko Toni me tana ropu whakatangitangi. Katahi ka tino parekareka rawa atu!
Ka tutuki pai te kaupapa, rere atu ana matou o te Taura Whiri ki Akarana, ki te whakaari i nga panui i reira i te po o te Paraire. Ko taua ahua ano ra! Rekareka ana te ngakau i te nui o te ope whakaeke. Na te kaiwhakahaere Pakeha o te Reo Tataki, TVNZ, na Stephen Smith nga mihi kite whakaminenga, ka ki mai e hari ana ratou, kite tuku i nga panui nei. Haunga ano te wiki kotahi nei, engari mo nga tau e rima haere ake nei!!!
Kia pehea atu hoki? Te ahua nei kua tuwhera mai tera tatau - no reira, kia mataara Te Taura Whiri, kaua e waiho ko enei panui e rua noa iho. I reira ano ona manu korihi - no Ngati Kahungunu ano - ko Hinewehi Mohi i tetahi pito, ko Te Rangihau Gilbert me tana rakuraku i tetahi pito - ka mau ke te wehi!
Me tuku ano hoki he mihi ki nga kaiwhakahaere i Te Mangai Paho, i Te
Papa Tongarerewa, i Te Tari Matauranga, me TVNZ - na ratou nga huruhuru i tiu ai te manu korero Maori a Te Taura Whiri! A, i tae a -kanohi mai ki Poneke nga mea kei konei, ki Akarana, nga mea kei reira e kawe ana i te kaupapa. Whakakotahi mai tatou, e kare ma! Ko te tumanako, koia nei te tlmatanga o ta tatou mahi tahi kia ora pai to tatou reo rangatira. Tena koa, e hika ma, whaia! Kia eke ai te korero mo tatou o Te Tau Ruamano nei: “Ahua reka ana te hono tahi a Te Mangai Paho, Te Tari Matauranga, Te Papa Tongarerewa, me Te Taura Whiri i te Reo Maori - ko Te Reo Rangatira te kaupapa. ”
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20000701.2.3
Bibliographic details
Ngā taipitopito pukapuka
Muka, Volume 13, Issue 1, 1 July 2000, Page 1
Word count
Tapeke kupu
430Te Hono ki Te Reo-Into Te Reo Muka, Volume 13, Issue 1, 1 July 2000, Page 1
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in