Te Hui Whakanui i a Matariki
N ā Huriana Werekake
Haruru ana nga patu o te whare kanikani Maori o ‘Paua’ i te wahapu o Te Whanga-nui-a-Tara! Hihiko ana te ngakau i te taupatupatu mai o nga waiata Maori i tioro ake. Matotoru ana te whare nei i te hunga i whakakapi mai. Uia mai ana te tangata i pehea te hui nei, maku e ki atu, ka mutu pea!
Katahi na ko te hui whakangahau ko tenei na! Na Te Mangai Paho, Te Poutaki Korero, Huia, Te Poito Whakarewa me Te Taura Whiri i te Reo Maori i ata whakarite. Tona putake, he whakararau ite iwi Maori kite whakanui ite putanga mai o Matariki, te Matahi o te tau. Heoi, ko to taua reo tera i whakatinana ite kaupapa, kia plkari rawa te whakarongo kite karanga ote tau hou Maori ki a taua ano.
Ko Te Ariki, ratou ko Mina Ripia, Tuari Dawson, Toni Huata, Maia, Brannigan Kaa me nga mahanga o te whanau Aperehama a Ruia raua ko Ranea nga koko tataki o te hui.
Ka riro ma etahi takoha a nga ropu tautoko nga waiata e whakarehu.
Ahakoa te tokomaha o te tangata i pae ake, na te kupu whakataki a Tamahou Temara, i watea te iwi ki nga korero epa ana kite kahui whetu nei o Matariki.
Na wai ano, ahua kaha ke ake te wairua maioha o nga tangata ki a ratou ano.
Ahakoa pakeke mai, whanake mai, kaumatua mai hoki, kotahi anahe te whakatau. I te mutunga iho, ko te korero i whakairi ake kite patu ote whare e mea ana, “I reira te mahi ate tangata!”
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20000701.2.11
Bibliographic details
Ngā taipitopito pukapuka
Muka, Volume 13, Issue 1, 1 July 2000, Page 6
Word count
Tapeke kupu
273Te Hui Whakanui i a Matariki Muka, Volume 13, Issue 1, 1 July 2000, Page 6
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in