20/30/40

Muka, Volume 12, Issue 3, 1 December 1999, Page 1

20/30/40

Nā Patu Hōhepa

“Ko te reo te tuahu o toku mana Maori”.

“Ka ngaro, kua tapahia e koe toku hono ki oku tupuna”.

Ehara naku enei korero, engari i kapohia mai i oku mahara kite hui taumata i te whare o te raiona i karangatia ete Minita Maori, eTe Honore Takuta Koro Wetere.

Ko ratou i whakapuaki i aua korero kua wehe atu i te kitenga tangata, engari ka mahue mai hei pepeha mo nga whakatupuranga ate hurihanga tau kite rua mano.

He aha ra he kaupapa hou ma tatou hei whakapuawai i te reo ki nga whakatupuranga Maori katoa? He aha hoki nga kaupapa a tua atu ite tau rua mano? Noku noa te whakaaro me ako nga iwi katoa o Aotearoa nei i te reo Maori. Kia pakari te reo ki nga iwi katoa, ka whai mana ai te reo kite iwi Maori. E kore hoki tenei

e taea i te ra, i te tau, i te tekau tau ranei. Ko te whakamaramatanga o nga tatau nei, 20/30/40, e hangai

ana kite kaupapa hou. Kia tae kite tau 2030 ko te moemoea kia 40% o nga iwi e noho ana ite nuku o enei moutere kei te korero i to taua reo rangatira.

Ehara i te mea he uaua tenei. He maha nga iwi tuarangi he reorua, he reo-toru, he reo-wha, he reo-rima ranei. Ko te mea nui ke, i korerotia e ratou nga reo nei mai i o ratou tamarikitanga i nga wa me nga wahi katoa. Me ki ra, ahakoa he kanohi hou kei te kei o te waka o Te Taura Whiri, ko aua kaupapa ra ano hei whakatere i te waka. Engari ra, ka tirohia te roanga atu o te ara hei hikoi tahi. Hei whakamutunga, kia tau nga manakitanga a te Kaihanga ki a koutou i te wa o te tau rua mano, a, ki nga tau takitini e heke mai nei. Kia ora koutou.