Te kōpaki He Muka

Muka, Volume 11, Issue 3, 1 July 1998, Page 6

Te kōpaki He Muka

Mai ite He Muka panui kite kopaki katahi ka rangona whanuitia etahi o nga mahi huhua a Te Taura Whiri i te Reo Maori.

Koinei te kopaki e mahia ana e Minaaka Productions, hei whakatakoto i etahi tauira o te reo Maori.

Kia rongo te taringa i te tangi o te reo o te ao o nehe, mete ao e haere ake nei. E ono nga wahanga o tenei kopaki.

He kupu whakataki na te kaiarahi. Whai i muri ko te reo o Te Toihau o te Taura Whiri i te Reo Maori. Ko Te Aumangea me nga reo o nga mana nui o te ao Maori i takatu kite whakapakari mete whakau ite reo Maori ki roto ano i te iwi Maori me tauiwi.

He maramara korero mo nga kaupapa huhua e pa ana kite reo mete hunga e pumau nei kite korero Maori. Ko Te Ngutu Pihipihi tera me ona ake whakaaro mo nga whakanekeneke e whakapokaikaha nei i a tatou, i te iwi Maori. Ko nga kiwaha me nga kupu hou etahi kua mau ki tenei kopaki, hei whakamahi mai ma tatou katoa e manako nei kite oranga ote reo Maori, a, e kaingakau nei kia mau i a ratou te reo e mau ana i te tokoiti.

Hei kinaki i nga korero o te kopaki ko taua ahua ano, he waiata. Ko nga kaitautoko i te putanga o te kopaki He Muka ko Te Taura Whiri i te Reo Maori me Te Mangai Paho. Tekau ma rua nga putanga kua whakaarohia hei mahi ma Minaaka Productions. Ko nga tangata e whai ringaringa ana ki tenei kopaki, ko Te Toihau o te Taura Whiri, Ko Timoti Karetu, ko Te Haumihiata Mason, ko Rangi McGarvey, ko Maaka McGregor, ko Rauru Broughton, ko Wena Tait, me Rereata Makiha. E pahotia ana tenei kopaki e nga reo irirangi Maori o te motu.