Te Whakatū Hui Ahurei mō te Reo

Muka, Volume 11, Issue 3, 1 July 1998, Page 3

Te Whakatū Hui Ahurei mō te Reo

Kei te rangahaua e Te Taura Whiri i te Reo Maori te whakaaro kore ranei whakatu, i tetahi Hui Ahurei, ko te reo tona putake. Koia tera ko Te Waihoroi Shortland, tetahi o nga Kaiwhiri o Te Taura Whiri i te Reo Maori, kei te rapu ake i nga ahuatanga e taea ai te whakatu hui. Ko tana mahi i tenei wa, he huri haere i te motu kite apoapo ake i nga whakaaro o te iwi mo te kaupapa nei, mete rapu ite hunga kaika kite tautoko mai ite hui e whakaarohia nei.

Ki ta Te Waihoroi, me rangi tahi te ahua o te whakatu hui, a, kia pau katoa te ra kotahi, kia kite rua tekau ma wha haora i nga mahi whakatairanga i te reo.

E anga atu ana te titiro a Te Waihoroi ki nga mahi i nga Whakataetae Kapa Haka o Aotearoa. Ahakoa te papai o era mahi, mete puaki mai ote reo, ara atu ano nga whakamahi i te reo e hiahia nei a ia kia whakanuia - ko te puaki whiti tera, ko nga korero mai i etahi pukapuka kua tangia kite reo Maori tera, ko nga tautohetohe a-ropu era, ko nga whakaatu whakaari era, ko nga whakataetae ngahau era, tae noa ki nga tangata whakaputa korero hatakehi.

Ko te tumanako ka pahohia te katoa o te hui ahurei nei ki runga Reo Irirangi, a, ka whakaatahia mai hoki ki runga Pouaka Whakaata. Ko tetahi o nga whainga e wawatahia ana ka ahu mai i te hui, kia whanake ake te reo, a, kia noho hei reo ma nonohi, ma matatahi, ma taipakeke, ma

kaumatua, kia korerotia i nga wa katoa, i nga wahi katoa.

Ko te wawata, kia tu te hui nei ia rua tau, ia wha tau ranei. Ko tetahi ake whakaaro, kite whakahaere i etahi momo hui penei ki nga rohe, kia kitea ko wai te hunga koi, te hunga rika, te waha makohakoha mai i nga rohe, hei tu, hei korero, hei whakataetae kite hui-a-motu.

Koianei tenei tetahi o nga take tino nui e whakahaeretia ana i raro i te maru o He Taonga Te Reo. Hei te paunga o te marama o Hongongoi ka whakina nga ahuatanga katoa oHe Taonga Te Reo kite iwi whanui.