Taku Hokinga ki Rūātoki

Muka, Volume 10, Issue 4, 1 September 1997, Page 6

Taku Hokinga ki Rūātoki

Ahakoa kua tae atu ano au ki Ruatoki i te tau iwa tekau ma rua (1992) he rereke ano tenei hokinga. He wiki rawa e noho ana, a, ka whai wahi kite whakaaro. Ka pupu ake te aroha o nga tau, tahi mano iwa rau wha tekau, i nohia ai mo te wha tau.

Ko nga pakeke hoki o tera wa te iwi nana au i awhi, i whangai kite korero, a, i tautoko i roto i aku mahi katoa. Rite tonu taku aroha ki a ratau ano ko nga koroua nana au i whakatipu. He mea tino nui tena. Engari kua rite ki nga iwi katoa, rakorako ana tera whakatipuranga. Engari ko taku whakapono kei te ora rawa atu a Ruatoki. Kei te kaha nga whakatipuranga kite whakapai i nga marae, i nga pamu mete kura whakapaipai o Ruatoki. Ka ora a Ruatoki kainga, a Tuhoe nui tonu. No reira tena koutou Ruatoki mete kuia nana nei te karanga, "Hoki mai ra kite kainga."

Taku titiro ki nga Kura Mo te taha ki nga tamariki-mokopuna. Nga kura e rua, mai i te timatatanga tino pai te haere. I te tuatoru kaore i tino hihiko. Tena pea no te tauhou o Ngai Taone ki nga tini ahua o te tuawhenua, penei i te hoiho nei, te awa rere mo te kaukau. Ka pakia nga whakaaro o te nuinga o te tamariki e enei ahuatanga hou. Otira ka haere tonu nga mahi, te whakawhanaunga koia nei te tino taonga. No reira kia kaha tatau koia nei te huarahi mo ratau mo tatou hoki.

Te Kura o nga pakeke Taku titiro kaore e taea te whakarereke te ia o te reo o tenei reanga. Kua to ke ratau i roto i to ratau nei ao. Heoi ano taku, tahau he whangai, he arahi he tautoko me kore e waimarie. Te mea nui rawa ia ko te noho tahi, ko te whakawhanaunga, ko te whakawhitiwhiti whakaaro, pera i te noho a nga tamariki. He ora tonu kei roto i te noho tahi, korero tahi, a, kai tahi. Koia nei hoki tote Maori tonatu. Kamututonu pea te huarahi mo tatau. Heoi, Naku Na Mate Huatahi Kaiwai