Ngā Kura Reo a Te Taura Whiri

Muka, Volume 10, Issue 2, 1 March 1997, Page 5

Ng ā Kura Reo aTe Taura Whiri

He WhakamArama

I te whakatunga o Te Taura Whiri i te Reo Maori ko tetahi o nga whakatau matua i takoto i a matou, me kaha te awhina i nga kura e Maori ana te reo whakaako o roto, i runga i to matou mohio he nui tonu nga kai whakaako kaore i te pera rawa te matatau, te tika ranei o nga reo, a, i tino hiahia matou kia tika te reo ka whangaia atu ki a tatou tamariki i roto i nga kura.

I te tlmatanga i riro tonu na te putea ake a Te Taura Whiri i plkau te kaupapa engari no roto i te wa ka kite matou kua kaha te muia mai o te kaupapa e te hunga whakaako, e te hunga hoki e whai noa ana kia pai ake 6 ratou reo.

Kaore a matou whakahe i te haere noa mai a te hunga tino kaha te hia kai mai kite reo engari ko te putea

ke hei kawe te mate. I te wa hoki e manukanuka nei matou i te poroa haerehia nga putea a tena whakahaere, a tena whakahaere i runga ano i tona whakaaro me whakamoamoa, me penapena te tara, a, ko matou tetahi i noho hei papa mo tera whakaaro.

Koinei te wa i urn mai ai Te Tahuhu o Te Matauranga me tana putea hei taunaki mai i te kaupapa engari he here ano i runga i taua putea ra.

Ko te putea e homai ana e ratou hei whakapakari, hei whakatika, hei awhina i te hunga autaia tonu te matatau, a, kei roto i nga kura e whakaako ana ahakoa he aha te momo kura. Ko te mea nui ko te reo Maori te reo whakaako, e whakaako ana ranei i te reo Maori. Ina whera riro ana ma Te Tahuhu e pikau, ina kore ma tena ano ia e oi, e kuhu.

Na reira, ko te hunga kaore i te whakaako i roto i nga kura ma koutou ano koutou e utu, ma a koutou whakahaere ranei e utu te haere mai ki nga kura. Ka hangai tenei ki nga mea haere mai i nga tari kawanatanga, i nga Kohanga Reo, i etahi atu mahi, i hea noa ranei. Kaore katoa enei e ahei mai kite putea a Te Tahuhu.

I tua atu i tenei, e hangai ana nga mahi katoa kite hunga autaia tonu te matatau kia whanui ake ai to ratou mohio kite kupu me tona whakatakoto kia pakari ai te tu mai i roto i nga kura.

Ahakoa e nui tonu ana te hunga haere mai kaore i te pera rawa te matatau e arohaina atu ana e te Taura Whiri engari kia tino maumahara ko te kaupapa matua o enei kura he awhina, he tautoko i te hunga autaia te matatau, a, kei roto i nga kura e whakaako ana, koira te kaupapa i homai ai e Te Tahuhu tana putea.

He nui nga mea haere mai i nga Kohanga Reo kei te patai he aha ratou i whakamahia ai kia utu, ana, kua hoki tena patai. Ki te pirangi koe kite haere mai nau mai engari ma to kohanga ano hei utu to haerenga mai. Heoi ano he kupu whakamarama noa kia kore ai etahi o tatou e ngahinapouri, e komekome mo te kore noa iho, mo te kore ranei i marama kite kaupapa. Tena ano ra tatou katoa.