He Mihi ki a Te Hauora

Muka, Volume 10, Issue 2, 1 March 1997, Page 1

He Mihi ki a Te Hauora

Ko 1987 te tau, ko Whiringa-a-rangi te marama, ko te 17 te ra i tuwhera ai te tari oTe Taura Whiri ite Reo Maori, a, ko nga kaimahi ko Matene Ruawai, te

kaiwhakamaori, kaiwhakahaere hoki i nga

whakamatautau kaiwhakamaori; ko Kura Wehipeihana, te hekeretari, kaiwhakatau manuhiri; ko Kevin Hughes ta matou kaitonotono; ko George Bertos, a, ko au, a, ko nga kai whiri o taua wa, ko Katerina Mataira, ko Anita Moke, ko Takuta Ray Harlow, ko Ta Matutaera Ihaka hoki. Ko te waka ia o Te Taura Whiri kua whakatereaketia i te 28 o Here-turi-koka o taua tau i Te Whare Paremata i raro ano i te maru o Te Minita Maori o taua wa, o Koro Wetere.

Na, i a au i whakaturia tuatahitia kite turanga nei ko nga tohutohu mai kia penei te tokomaha o 6 kaimahi, a, kia penei nga turanga mo aua tangata ra. Na, i roto i nga whakatau ka tono au ki Te Tari Maori kia awhinatia mai ahau, a, riro ana na te kaitiaki putea a Te Tari Maori na John Gill taku na kaitiaki putea i whakaingoa, otira, i homai ingoa hei whakaarotanga maku, a, ko tetahi o aua tangata i whakaingoatia ra ko George Bertos, e kiia nei e matou ko Te Hauora.

I waimarie au i a raua ko Matene na te mohio o raua ki nga punaha kawanatanga mete ahua ote mahi e

mahia ana i nga tari kawanatanga. Kua riro atu nei a Matene, ka noho ko Te Hauora te morehu o te hunga nana te huarahi i para.

Kua eke nei te iwa tau ki konei kua huri te aroaro ki wahi ke, ki mahi ke, a, ka aroaroa ko matou ka noho

mai ki ta matou tangata ka haere nei.

He tangata humarie, he ngakau mahaki, he pai te wairua kite tangata, a, noho tonu ai hei whakahirihiri moku i a au ka ngaro ki wahi ke, ki hui ke. Na te makohakoha, na te kore i takeo mai ahakoa he aha te tono atu rata ana te tangata ki a ia. Koianeira ona ahuatanga, ona pumanawa tae atu hoki ki te ahei ona ki tana i whai ai, i mahi ai.

I roto i te wa i a ia ka noho mai ki konei ko Ta

Matutaera Ihaka raua ko Matene Ruawai kua hurumutu, ko Kevin Hughes, ki a matou nei ko Te Hikaka, kua moe wahine, kua whai tamariki; ko Takuta Jeffrey Waite, ki a matou nei ko Te Mauritau, kua haere atu ki Te Peke o Te Ao i Washington ki reira mahi ai; ko Kura Wehipeihana kua hoki ki tana whanau; ko Erima Henare, i hoki mai i tana turanga i Los Angeles kia noho ko to raro tonu mai i a au, kua hoki ki Te Puni Kokiri i Whangarei; ko Hine Hori i haere kite peke mahi ai.

laau i hoki ai ki toku turanga i te Whare Wananga o Waikato i te ekenga o te torn tau oku kite turanga nei i noho ko ia hei awhina i to tatou kaumatua, i a Ta Matutaera mo te wa poto i a ia i te ihu ote waka. Noku ka tonoa kia hoki mai ko ia ano i konei hei whakamama noa i te mahi.

No te haerenga o Kura ka eke mai ko Miriama Kingi, a, iaau i hoki ai ki Waikato ka whai mai ia. Noku ka hoki mai, ka hoki mai ano ia, a, e noho tonu nei.

Ahakoa pehea te ahua o te tangata, tona pai, tona aha ke ranei, te roa ona e mahi tahi mai ana, ka hangai tonu te whakaaro ki era kupu o Tahi Nei Tam Kino, ara, ‘Kei te wehenga aroha kau ana ’ Kati, kua whakatauhia nga whakatau, kua korerotia nga korero, a, kua huri te aroaro ki wahi ke, ki turanga ke. Nona ka penei, ko ta te ngakau mapu he mihi kau noa, he tangi kau noa, he tuku kau noa kia haere i mnga i te pai, i te aroha, i te ware ware kore o matou ote hunga ka mahue ki muri nei, ara, a Heni Jacob, aTe Haumihiata Mason, a Miriama Kingi, a Tuehu Harris, a Wareko Te Angina, tae atu hoki ki nga kaiwhiri o te wa nei, ara, ki a Miria Simpson, ki aNgahinaturae Te Uira, ki a Waihoroi Shortlandme Te Wharehuia Milroy, ki nga wa o te nohonga tahitanga.

No reira, kei Te Hauora, kei te hoa pumau o roto i nga tau, ma te aha i enei kupu iti noa hei whakatinana ite ahua ote ngakau pouri mete nui noa ote hokinga whakaaro. Ko era hei taonga whakakatakata, whakatangi i roto i nga tau. Me tiki noa atu i nga kupu o tetahi o nga waiata maha mo tenei mea mo te aroha ka whakahangai mai ai.

‘Aue! Te aroha i a matou e Tuki rawa, e tama, kite manawa ’

Ko te inoi hoki o te ngakau mana, i te wahi ngaro, koe hei arataki, hei manaaki i roto i 6 kopikopikotanga maha haere ake nei, haere ake nei.

Tihe!

HeT^lOh|G^ TeRjGO