Te Arotake i te Muka

Muka, Volume 9, Issue 3, 1 July 1996, Page 6

Te Arotake i te Muka

Kua raua mai ki tenei o nga Muka tetahi rarangi patai e mohio ai te Taura Whiri e pehea ana nga whakaaro o te hunga panui i te Muka ki enei pitopito korero, ara,

e pai ana ranei, e rereke ana ranei, e pehea ke ana ranei.

Erua nga wahanga o tenei arotake. Hetitiro whakamuri ta te wahanga tuatahi. Kei tenei wahanga nga patai e pa ana ki nga Muka e torn kua puta i roto i te 12 marama kua pahure. Ka tirohia nga whakautu ki enei patai e te tutei whakapaunga moni a te Kawanatanga, ara, e te Tari Tatari Kaute o Aotearoa, e taea ai e ratou te whakatau mena he kaupapa tenei e whaitake ana, he moumou moni noa iho ranei.

Kua ahua pai tonu a koutou whakautu ki enei patai i roto i nga tau, i runga pea i to koutou mohio e tirohia ana enei whakautu e tera o nga tari kawanatanga. Engari kei konei matou o te Taura Whiri e whakaaro ana kare e kore he whakaaro atu ano 6 koutou, he whakahe, he whakatikatika, he inoi, he aha atu ranei, e whaihua ake ai Te Muka kite hunga panui. He mea pupuri pea enei whakaaro, he ngakau pai no etahi ki tenei whakahaere Maori e taka nei ki raro i te konui arotake o te Kawanatanga.

I a matou ka noho kite ata whiriwhiri i nga kaupapa ka whakahaerehia eTe Taura Whiri mo te 12 marama atu i te 1 o Hongongoi 1996 (ko te ‘tau putea’ tenei e whaia ana e te ao pakihi i Aotearoa) ka whakaaro iho matou kua eke kite wa e ata tirohia ano ai tenei kaupapa, me kore e kitea he ahuatanga hou e ngahau ake ai te Muka, e kaha ake ano ai te hiahia o te iwi Maori whanui ki enei pitopito korero.

Na konei kua noho mai te wahanga tuarua o te rarangi patai me tana titiro whakamua, meta matou inoi kia kaha tonu koutou kite tuku mai i 6 koutou whakaaro e pai ake ai nga Muka o muri atu. Mena he tokomaha tonu te hunga e pena ana te whakaaro, a, he whakaaro ka taea e tenei pito te whakatinana, ehara, ka pera.

Na reira ko te inoi o matou, kia watea mai koutou ki te whakautu i nga patai e o te rarangi patai e mau atu nei (kaore pea e neke atu i te rima meneti ki te whakautu i te katoa o nga patai), ka tuku mai ai ki to matou tari (Te Taura Whiri i te Reo Maori, Pouaka Poutapetaa 411, Te Whanga-nui-a-Tara.) Ma matou e tango mai te tuarua o nga wharangi hei tirotiro ma konei, ka kopere atu ite wharangi tuatahi kite Tari Arotake.