He Kupu Whakataki nā te Toihau

Muka, Volume 9, Issue 2, 1 March 1996, Page 1

He Kupu Whakataki nā te Toihau

-j- y tau yvhakatumatohi te tau /~"y Z? tau whakatitina te tau tau whakatau te tau

Koia nei ta te Taura Whiri i waiho ai hei ngahunga atu, hei whakamaumaharatanga mai i te tau ka hori.

Ko tona whakatinanatanga ia ko te Hui Taumata mo te Reo Maori, te hui i rere ai te reo rahiri ki tena, ki tena o a tatau whakahaere whai wahi mai kite reo kia ikapahi mai ki Te Upoko o te Ika, ki konei whakawhiti whakaaro ai, tohetohe ai, whiriwhiri tahi ai, whakatau ano ai hoki i nga take e pa ana ki to tatau reo me tona oranga tonutanga haere ake nei.

I rumene mai ona kaikorero o nga whakahaere katoa engari na te mea i porotu nga waka rererangi i aua ra ra uaua ana te tae mai o etahi. Aua atu, i tatu mai tona hunga i tatu mai ai, a, haere ana nga korero, whiua ana nga kupu, puta ana te whakaaro.

Ko te putaketanga mai o te hui nei ko te tono mai a te Kawanatanga kia takoto he mahere rautaki mo te reo a tae noa kite tau 2010. Ko te tono ate Kawanatanga i putakehia mai i te hikoinga a te hunga whakaaro nui ki te reo Maori i takahi nei i nga huarahi o Te Upoko o te Ika nei. Na tena kokiritanga a ratau ka puta nei te tono ate Kawanatanga kite Taura Whiri. E taea ai tetahi mahere rautaki me ahua mohio ano te hunga whakatakoto i taua mahere ki nga whakaaro o te ao Maori, a, na konei te hui nei i karangatia ai.

Rangatira ana te hui i te taenga mai o to tatau Arikinui, o Te Ata-i-rangi-kaahu, a, na te Minita mo te Ture, na te Honore Doug Graham te hui i whakatuwhera i te korenga o te Minita Maori, o John Luxton, i watea mai.

Kua to te ra o te tau ka hipa, a, e ura nei te ra o te tau hou. Na reira, i runga i tera ahua kua puta ano he whakatauki hei ngahunga atu ma tatau katoa. E penei ana taua whakatauki: