NGĀ MIHI O TE AROMAHANA
Tena ra tatou i roto i tenei kaupeka hou e popore nei te ngakau kia ngawari noa ake, kia ranea noa ake, kia paruhiruhi noa ake i nga marama ka hori ake nei (a, kia maku noa ake mena ko Tamaki to kainga noho.) Otira ka penei ake te korero mete mohio and e kore e pa mai nga ahuatanga papai anake; ka haere kdtui ko enei me nga ahuatanga whakatakeo, whakaporearea i te noho a te tangata. Heoi and ma te rongo iho i te hoha, i te kaniawhea i ona wa ano, ka tino mohio te tangata kei tenei taha tonu ia o te oranga; waihoki, a te wa e kore ai e pa mai tetahi ahuatanga kino kotahi, a te wa e ngaro atu ai te kiri ki tua o rongo kino, hei reira ke pea tino manukanuka ai te ngakau! Engari ahakoa tonu, ma te aha i te tumanako, i te kuwata kia tau mai te rangimarie, te uruhau, te tonuitanga ki nga topito katoa o te ao i tenei kaupeka, a, haere ake nei.
Ma koutou tonu e kite iho kaore ano kia whakatinanatia etahi o nga whakaaro i puta i a koutou mo te ahua kite Muka, e matomato ake ai tenei ngakinga a matou (ara, kia nui ake nga momo kai o roto: he whakaahua, he kaituhi hou, he kaupapa korero hou, me etahi atu ahuatanga e wana ake ai enei maramara korero ki ta koutou na titiro).
Engari ehara i te mea kua kore te Taura Whiri e pirangi kia uru mai he momo kai hou kite Muka. Ko te mate ke, ko te tokoiti o nga kaihetiheti i roto i tenei mara. Heoi ano ra, ko te koanga tonu te wa tika mo tenei mahi, mo te rumaki hua whenua, na reira i tika ano pea ta matou takaroa kia eke rawa nei kite awe kapara, katahi ano ka takatu kite ngakingaki i ta
matou mara. Ko te tikanga hei tenei raumati nei kitea mai ai ona tohu e pihi ake ana, kite tika ta matou ahuahu i tenei pito one.
aromahana - koanga popore - tino hiahia ranea - makuru paruhiruhi - paki haere kdtui - haere ngatahi whakatakeo - whakahoha kaniawhea - pouri, riri manukanuka - awangawanga kuwata - wawata uruhau - koa tonuitanga - te tino oranga tinana ngakinga - mara maramara - pitopito awe kapara - koanga ngakingaki - tiaki mara
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19940901.2.2
Bibliographic details
Ngā taipitopito pukapuka
Muka, Volume 7, Issue 4, 1 September 1994, Page 1
Word count
Tapeke kupu
394NGĀ MIHI O TE AROMAHANA Muka, Volume 7, Issue 4, 1 September 1994, Page 1
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in