HE POROPOROAKI

Muka, Volume 6, Issue 2, 1 March 1993, Page 1

HE POROPOROAKI

Ta Kingi Matutaera Ihaka 1921 -1993

Tuperepere kau ana nga wai O Te Whanga-nui-a-Tara, Engari ia koe, e Matu, Nei ra to waka kua marewa ki nga wai tokitoki, Ki nga hau tahengihengi, kite aio mo wai rokiroki.

Korangirangi ana tera te manawa, nawe ana tera te ngakau i te haenga a mate.

‘Ra 5 tohu kua kitea noatia atu, e Matu, engari ahakoa tera i tohe tonu koe, i whakatumatuma tonu koe, i whakapataritari tonu koe me to mohio tonu i te mutunga iho ko Aitua ka toa. Na ratou hoki te ki e kore e taea nga huata a Aitua te kaupare, te karo, a, ko koe tena i roto i te ra nei.

Hoki ana nga mahara ki nga nohonga tahitanga, ki nga katanga tahitanga, ki nga tohenga tahitanga, ki nga hakanga tahitanga, ki nga matapakinga tahitanga, ki nga whakataunga tahitanga.

Ka kohia ake aua mahara ko tona otinga atu ko te matawaia o te kamo, ko te tarere o te roimata, kei hea ke hoki i tua atu?

Ko nga waka maha i whakaterea ai, i hoea ai e koe kua poteretere noa. Ko te hahi matua tena, ko nga whakataetae matua o te motu tena, ko te reo Maori tena, ko nga tikanga Maori tena i ki mai ai koe ki a au i roto i tetahi o 6 tuhinga mai, “mete kotiti ote reo, te papaku o nga whakaaro mete kuware ki nga tikanga a nga matua tupuna.”

Te hangai pu o ena korero engari kei hea te momo kaumatua pena i a koe na hei whakaputa tonu i ena korero kia hoki ano ai te ao Maori kite ara tika e mau

pai ai te reo me nga tikanga? Ko tena momo i a koe na kua kore, kei te hinengaro te whakaaro kua puta tonu mai i te waha. Kaore he tirotiro, kaore he titahataha, kotahi atu kia titi tonu!

Ma muri nei pea e kawe tau i manako ai, tau i popore ai, tau i inoi ai. Heoi ano ta matou he whakakaha, he whakamomori me kore e tutuki.

Ka hikohiko te uira ki runga i nga hiwi, ko te tohu o te mate, a, na ra ia, e Matu, ko koe.

Kati, takahia te ara kua oti ke noa atu i a nunui ma, i a roroa ma te para, okioki mai i roto i te Ariki.

“Piko nei te matenga, Tau mai ko te pouri nui.”