HE WHAKAOHITI
He whakatauki ta Pakeha; “Kaore e pai kia katata noa, engari ia me eke, eke panuku.”
Ahakoa e ahu mai ana tenei korero i era o tatou, ko tona kaupapa e tino hangai pu ana ki a tatou. Kei te puta tetahi ahuatanga i waenganui i te hunga no na noa nei i paku korero Maori ai, ko te mea nui, kia marama ko te korero, ahakoa te kotiti, te he ranei o te takoto o te kupu.
Ko taku ki a tatou, ka taea te marama o te korero, me te tika o te whakatakoto i te kupu, no reira me piki nga pinakitanga kia eke ai ki ona panekiretanga kia taea ai te ki, ae, kua eke tangaroa, haramai te toki, haumi e, hui e, taiki e!
Ki te kore tatou e whai kia ekea nga keokeotanga e uhia nei e te puaheiri, kua kore he shakl ki a tatou mokopuna e whakahihi ai ratou i te wa e tu ai ratou ki nga kokoru huri noa i te motu.
Ki te whiua tatou kite patai “I ahatia e koe taku taonga?", he aha te whakahoki? Kia kore ai tera ahua e pa, whakakaha tatou kia pauaua, kia puioio, kia mau tonu ai te ha, te tiketike, te hohonu, te whanui o te reo e ki nei tatou ko te reo rangatira.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930101.2.17
Bibliographic details
Ngā taipitopito pukapuka
Muka, Volume 6, Issue 1, 1 January 1993, Page 12
Word count
Tapeke kupu
226HE WHAKAOHITI Muka, Volume 6, Issue 1, 1 January 1993, Page 12
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in