TE TAURA FIRI (tonu)

Muka, Volume 5, Issue 3, 1 June 1992, Page 2

TE TAURA FIRI (tonu)

te tautoko i nga awhero o te tangata whenua mo to ratou reo. Ki konei tonu tatou te iwi Maori karawhiu ai, he aha te aha!

E whai ake nei nga ahuatanga kite reo i ata matapakitia i roto i nga ra mahi e toru o te hui:

• nga ritenga me nga rereketanga o nga reo ke mo te taha kite:

- korero, tuhi i nga reo Ma'ohi - whakaako, whakakorero i te tamariki - whakawhanui ake ite papakupu kite kupu tauhu - whakatairanga, whakaora i nga reo hei reo pumau

I wanangatia ano hoki ko ehea nga ara whaihua hei arumanga ma te katoa, kia ora ai 6 ratou ake reo.

• te whakarite tikanga tuhi e hangai ana kite katoa o nga reo

• te punakupu rorohiko e kiia nei ko "Te Reo o Maui" (Kei tenei punakupu nga kupu tauhu o ia whenua e whakararangi mai ana hei whakamahi ma te tangata e kimi kupu hou ana ki tona ake reo.) Ko enei nga ahuatanga o "Te Reo o Maui" i whakaritea hei kaupapa korero:

-me pehea te whakamahi i tenei punakupu - nga take whakahaere - nga raruraru putea - nga here o te ture

Na runga i te nui o nga whakaaro i takoto, kaore i kapi nga take. I whakatauria me hui ano tetahi ropu whaiti i mua o te hui ka whai mai, ko ta tenei ropu, he ata tirotiro i nga take kaore i oti pai te whiriwhiri e tenei hui, he ata whakarite hoki i nga whakahaere mo te hui o muri atu. Ko Aotearoa, ko Tahiti me Hawai'i nga whenua i whakaturia ki tenei komiti.

• te hui o muri atu - I runga i te reo tawhiri o nga mangai mo Hawai'i i whakataungia kia tu te hui tuatoru kite moutere o Hawai'i, ki Hilo, ate 16 kite 18 o nga ra o Haratua 1993.