Article image
Article image
Article image
Article image
Article image
Article image
Article image
Article image
Article image
Article image
Article image
Article image

NGĀ KŌRERO A TE ATAARANGI

TE PANUI TUATAHI MO TENEI TAU Tena koutou, koutou kei nga kainga huhua o te motu, otira koutou ko nga ngakau mahaki o Te Ataarangi e plkau ana i te kaupapa nei ki nga topito o te whenua. Tena koutou, tena koutou, tena koutou katoa. Kua tangihia te hira o te mate, no reira koutou kua wheturangitia, haere, haere, haere ki tua o kahurangi.

TE hui-A-tau 1992 Kei whea a Matairangi Bay?" Koinei te patai nui e rere ana i nga kainga maha. Rukea nga pukapuka mapi. I he te korero i tangia kite panui whakamutunga o tera tau. Na te ngenge noa iho o te kaituhi i kapo ai, i he ai. Ka tu ta tatou hui ki Tapui Marae, ki Matauri Bay, atu i te 16 kite 18 o Whiringa-a-nuku. Heoi ano koutou o Ngapuhi-nui-tonu, te whanau urupu kite whakarite i ta tatou hui-a-tau, aroha mai ki a matou o tenei moka o te whenua, e porearea haere nei. No matou te he, no matou te he.

NZQA Me tuku hoki he mihi nui ki a NZQA, ki a Trevor Moeke ma, na ratou a Te Ataarangi i whakamana hei Kura Motuhake. Kei to tatou tari nei te tohu e iri ana. Ko te tumanako kua tata tonu te whakamana i 6 tatou kura katoa. KOMITI MATUA I Mangatu, i ta tatou hui-a-tau, i karangatia te Komiti Matua kia huri haere i nga rohe, kia kite-a-kanohi i te iwi. He kamakama no Te Waiariki, ka powhiritia matou ko nga takawaenga-a-rohe ki Mataatua Marae i Rotorua a te 22 o Haratua. Tere tonu te whai mai a Tamaki-makaurau. Kua tono ratou kia tae atu matou ki reira a te 22 o Whiringa-a-rangi, engari kaore ano te wahi hui kia whakaritea. Mo mua tonu o te hui-a-tau, a te 23 o Here-turi-koka ka hui ano matou, engari ki whea, kei a koutou te tikanga. No reira e te whanau o Hawaii, karanga mai, karanga mai, karanga mai... Tera pea kua rangona e koutou e rua nga turanga o te Komiti Matua kaore i potingia. Na runga i tenei, na matou i whakarite kia tu a Rahera Shortland o Tamaki-makaurau, me Wai Uatuku o Taranaki, hei whakaki i aua turanga. Mo te hui-a-tau ki Matauri Bay ka matua whakatikangia tenei, ka potingia ano nga turanga e rua nei.

KURA POUAKO Kua whakaturia e Katerina tetahi Kura Pouako kite Kuratini o Waikato. He kura tawhiti tenei, ara, ka noho nga akonga ki 6 ratou kainga mahi ai, a, ka riro ma te kaiako e tuku mahi ki a ratou. I tenei wa kei te whai atu matou kia whakaaetia e NZQA to tatou tohu kaiako hei "Tohu Matauranga o te Motu". Ko te tumanako ina oti nga mahi i roto i tenei kura ka whakawhiwhia nga akonga ki o ratou tohu matauranga i te hui-a-tau a Te Ataarangi.

TE TOHU O TE ATAARANGI He paku korero ano tenei. Ina pirangi koutou ki te ta i te tohu o Te Ataarangi ki runga pukapuka, ki runga hate ranei, ko te tikanga ma te Komiti Matua e matua whakaae. Ka mahi penei kia kore ai te mana o Te Ataarangi e raru. KUPU MIHI Ka nui aku mihi ki a koutou, kia manaakitia koutou me 6 koutou whanau e te mata ngaro. Tena koutou, tena koutou, tena koutou katoa. Arohanui Na te plpi nei, na *£rana

This article text was automatically generated and may include errors. View the full page to see article in its original form.I whakaputaina aunoatia ēnei kuputuhi tuhinga, e kitea ai pea ētahi hapa i roto. Tirohia te whārangi katoa kia kitea te āhuatanga taketake o te tuhinga.
Permanent link to this item
Hononga pūmau ki tēnei tūemi

https://paperspast.natlib.govt.nz/periodicals/MUKA19920301.2.8

Bibliographic details
Ngā taipitopito pukapuka

Muka, Volume 5, Issue 2, 1 March 1992, Page 3

Word count
Tapeke kupu
567

NGĀ KŌRERO A TE ATAARANGI Muka, Volume 5, Issue 2, 1 March 1992, Page 3

NGĀ KŌRERO A TE ATAARANGI Muka, Volume 5, Issue 2, 1 March 1992, Page 3

Log in or create a Papers Past website account

Use your Papers Past website account to correct newspaper text.

By creating and using this account you agree to our terms of use.

Log in with RealMe®

If you’ve used a RealMe login somewhere else, you can use it here too. If you don’t already have a username and password, just click Log in and you can choose to create one.


Log in again to continue your work

Your session has expired.

Log in again with RealMe®


Alert