"TE WHĀNAU NIHO"

Muka, Volume 5, Issue 2, 1 March 1992, Page 4

"TE WHĀNAU NIHO"

Anei e whai ake nei tetahi o nga korero o Nga Whatiwhatinga 1. ara, te pukapuka tamariki hou a te Taura Whiri. Na Ringiringi Manawaiti o Ngati Maniapoto tend korero paki.

Tera tetehi tama ko Hori tona ingoa, me tona kaha kite kai rare ia ra, ia ra. I roto i tona waha te whanau niho e wananga ana me to ratou mohio ka mate ratou, ka pirau hoki, mehemea ka kai rare a Hori i nga wa katoa.

"Toru tekau ma rua tatou," te ki a Nihorei. "Hoha tatou kite tamaiti nei. Kaore tatou e whakaae kia makere tetehi o tatou. Engari ko te patai tino nui, me pewhea tatou e ora tahi ai, e noho pai ai mo ake tonu atu?" "Me pewhea?" te patai a Puniho. "He take nui tenei!" te hamama a nga niho katoa.

I tetehi wa, ka mamae a Puniho, ka noho awangawanga te whanau niho. Kaore i roa ka rongo ratou i te whaea o Hori e korero ana.

"Hori, kei te haere ahau kite toa kite hoko miraka. Me haere taua?" Ka ki atu a Hori, me tona harikoa, "Ae mama, me haere taua. Me hoko rare hoki!"

Ka rongo te whanau ka ki, "Aue, aue! Ka kai rare ano tenei tamaiti!" meta ratou inoi atu ki a Hori, "Kaua e kai rare, Hori, kua tata tetehi

o matou te makere."

I te taenga atu o Hori raua ko tona whaea kite toa, ka oma a Hori ki roto kite tirotiro ki nga rare katoa i roto i nga ipu me tona harikoa.

"Tena koe Hori," te ki mai a te tapiri. "He aha to pirangi i tenei ra? He ngaungau, he

tiakarete ranei?"

I reira ka kaku nga niho o Hori. Ka patai ano te tapiri, "He aha to pirangi?" Na, ka kaku ano ona niho. Tere tonu te whakautu a Hori. "Ka raru Oku niho kia kai rare ahau, ko tera te wa ka tino raru oku niho."

Ka uru mai tona whaea me tana kowhete ki a Hori/'Kei te aha koe Hori?" Tere tonu tana whakautu,"Kei te raru oku mho." Ka ki atu tona whaea, "Kei te mohio koe he aha ai? Na to kaha kite kai rare. Etehi wa hoki tino wareware koe kite taitai i o niho. Naianei, kaua koe e hoko rare, me hoko ko nga kai papai pera i nga kai a kui ma, a koro ma. He huarakau, he huawhenua. Mehemea ka kai rare koe ia ra, ia ra, tera pea ka heria atu koe kite tohunga niho. Kei a ia tetehi tuwiri hei keri kohao ki roto i o niho."

E noho awangawanga ana te whanau niho, e tatari ana, he aha ra nga kai ka tau atu hei ngaungau ma ratou. Kaore i roa ka hamama te waha o Hori ka ngau, katahi ka ngakongako.

"He aha tenei? Ehara tenei i te rare," te ki me te harikoa o te whanau niho, "He aporo ke!"

Ka karanga ratou, "Haere mai, uru mai. Tino koa matou kite kai i a koe hei whakaora, hei whakakaha i a matou. Nau mai, haere mai,

aporo. Ko koe te tau o to matou ate."