TE TUHI I TE REO
Kei te maha haere nga pukapuka e taia ana i roto i te reo Maori hei korero ma a tatou tamariki, mokopuna hoki. Ko te tumanako o te Taura Whiri i te Reo Maori kia riro ma Te Taura Whiri e matua tirotiro nga kupu o aua pukapuka. I penei ai, he tino he no te tuhi o etahi o nga kupu mete he ote takoto o etahi o nga kupu. Ki te he hoki nga kupu mete whakatakoto, ka raru ke ko nga tamariki e kOrero ana i aua pukapuka. I te mea kua taia, ka pohehe nga tamariki kei te tika katoa te tuhi mete takoto o nga kupu, ka waiho hei whakararu i te hunga kore mOhio, kore marama ranei.
Ko tetahi tino kaupapa a te Taura Whiri me to nga kupu e tika ana. Me to kia tika ai, kia mama ai te whakahua a te hunga kore mohio. Kua rongo te kaituhi o enei korero i etahi, ahakoa kua kaumatuatia, e panui he ana i te himene nei 'Piko nei te matenga.' Ki nga tangata kore mohio, ka he te whakahua i te kupu nei 'matenga' mehemea kaore he tohuto. Ko te tino tumanako o te Taura Whiri kia kaha te iwi Maori kite tautoko i tenei kaupapa ara kia riro ma te tohuto te whakaatu ae ranei me kukume roa te whakahua, me poto noa ranei. Na, kua haere te whakaatu a te Taura Whiri i te Reo Maori ki nga kaita pukapuka katoa e ta ana i roto i te reo Maori, me matua tuku mai nga kupu katoa kia ata tirotirohia e te Taura Whiri i te reo Maori i mua ke atu o te tanga. Kei te mihi te Taura Whiri ki nga kaituhi me nga kaita. Ko te tino tumanako kia tini ke ake nga pukapuka e tangia ana i roto i te reo Maori, engari kia tika te tuhi kei raru ko a tatou tamariki.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19910901.2.7
Bibliographic details
Ngā taipitopito pukapuka
Muka, Volume 4, Issue 3, 1 September 1991, Page 2
Word count
Tapeke kupu
331TE TUHI I TE REO Muka, Volume 4, Issue 3, 1 September 1991, Page 2
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in