TE TINO UARATANGA O TE "AHO MATUA"
Mai ite3l o nga ra o Here-turi-kOka kite 3 o nga ra o Mahuru i tu ai te kura a Te Taura Whiri ki nga kaiako e rumaki ana i a ratou tamariki kite reo Maori. Ko te marae ataahua o Kirikiriroa te wahi i tu ai tenei hui whakatairanga i te reo Maori. E hia ke nei nga kaihautu o nga Kura Kaupapa Maori me nga Kura Reorua i tae-a-tinana ki tenei hui; neke atu i te waru tekau nga tangata i haere mai kite whakapakari ito ratou reo Maori.
Anei etahi o nga tino kaupapa i ata whiriwhirihia i taua hui:
1. He aha nga tino uaratanga hei whainga ma nga Kura Kaupapa Maori? Me mau kite 'Aho Matua" hei kawenata mo nga Kura Kaupapa Maori? Me pehea nga Kura Reorua? 2. Me pehea e pakari ai te reo o nga kaiwhakaako, kia tika ai te reo e akona ana e nga tamariki? 3. Me pehea e taea ai te arotake tika i a tatou tamariki?
4. Ko tehea te wa e tika ana e huri ai nga tamariki kite reo Pakeha?
Ko te "Aho Matua" te tino kaupapa i ata wanangatia, ara ko te kaupapa arahi i nga Kura Kaupapa Maori i whakatakotoria e te Ropu Mahi mo nga Kura Kaupapa Maori. Anei e whai ake nei ona tino uaratanga:
6.1 Kia mau, kia noho whakaaraara, noho koi te hinengaro o te tamaiti ki nga matau katoa hei arahi i a ia i roto i tona ao. 6.2 Kia toa ia kite whakarongo, kite whakaaro, kite korero, kite panui, kite tuhi i roto i te reo Maori i roto i te reo o tauiwi hoki. 6.3 Kia tupu nga ahuatanga tuku iho o tona pumanawa ki nga tihi teitei o te taumata. 6.4 Kia noho ohooho tona auahatanga i roto i nga mahi waihanga o tona ao. 6.5 Kia noho tuwhera tona ngakau kite hari, kite koa, kite aroha, ara, kia ngakaunui, kia ngakau mahaki. 6.6 Kia mau ki tona whatumanawa nga hohonutanga o te ako o te mohio. 6.7 Kia rangona tona ihi, tona wehi, tona tapu.
6.8 Kia tupu tona mana me tona rangatiratanga. 6.9 Kia ita tona mauri. 6.10 Kia puawai tona waiora me tona hauora i roto i te hono tangaengae o tona wairua me tona tinana. 6.11 Kia mau tuhonohono te here o tona ihomatua ki ona matua tupuna, piki ake i nga rangi tuhaha kite marae atea o 10-Matua. 6.12 Kia tu pakari, tu rangatira ia hei raukura mo tona iwi.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19910901.2.14
Bibliographic details
Ngā taipitopito pukapuka
Muka, Volume 4, Issue 3, 1 September 1991, Page 4
Word count
Tapeke kupu
427TE TINO UARATANGA O TE "AHO MATUA" Muka, Volume 4, Issue 3, 1 September 1991, Page 4
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in