NGĀ TĀNGATA TAUMATA RAU 1769-1869
Katahi ano te tuatahi o nga pukapuka e klia nei ko Nga Tangata Taumata Rau ka oti te whakarite i te ropu Dictionary of New Zealand < Biography (DNZB) o te Tari Taiwhenua i Te Whanga-nui-a-Tara nei. Ko tenei pukapuka he whakamaoritanga i era o nga korero reo Pakeha o ; roto i te DNZB ko te tangata e korerotia ana Maori. He mea whakaputa e te Tari Taiwhenua me Allen & Unwin. Kotahi rau ono tekau ma tahi nga Maori kei roto i te pukapuka nei, a, i hau 6 ratou rongo i te wa mai i te tau 1769 ki te tau 1869.
E 400 nga wharangi, a, he ahua 300,000 nga kupu. Na, he tino taonga tenei pukapuka ma te lwi Maori, he whai tikanga hoki kite hunga whakaputa pukapuka kite reo Maori. I tua atu i nga korero whanui, kei roto etahi rarangi pukapuka e pa ana ki nga tangata i korerotia, tetahi kuputohu (index) e whakaatu ana no tehea iwi ratou me tetahi atu kuputohu e whakaatu ana i nga tangata, i nga hapu, i nga iwi hoki i korerotia i roto i nga korero whanui. 1 ata kimihia he ingoa Maori mo nga wahi huhua o Aotearoa nei, a, i ata tirohia katoatia hoki nga korero kia tino tika ai.
Ko te tuatahi o nga pukapuka reo Pakeha o te DNZB i puta i te marama o Pipiri. Ko Ahorangi Bill Oliver te etita matamua, ko Takuta Claudia Orange te etita tuarua. 1
awhinatia raua e nga etita, e nga kairangahau me nga kaituhi o te ropu DNZB 1 Te Whanga-nui-a-Tara. Na nga rangahautanga a etahi atu tangata me etahi ropu o te motu huri noa i tino tautokona ai nga etita. Ko nga korero ano he mea tuhi e nga kairangahau, e nga kaituhi o te ropu DNZB me etahi atu tangata mohio o te motu puta noa.
Na nga mahi a nga etita, a nga kaiwhakamaori, a nga kaitohutohu, a nga kairangahau hoki, i oti pai ai Nga Tangata Taumata Ran te tuhi. Mai i tona orokohanga mai i tautoko ai te Taura Whiri ite kaupapa, a, tae atu kite whakatikatika o etahi o nga whakamaoritanga.
Hei te tlmatanga o Hakihea Nga Tangata Taumata Rau puta ai ki roto i nga toa pukapuka Ko te utu e 79-95 tara. Akuanei ka taea e nga toa pukapuka te tono atu tenei pukapuka i a Allen & Unwin.
Mehemea he patai au e pa ana ki tenei tino pukapuka, me whakapa atu ki:
Nga Tangata Taumata Ran DNZB Te Tari Taiwhenua (Internal Affairs) Pouaka Poutapeta 805 Te Whanga-nui-a-Tara
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19900901.2.19
Bibliographic details
Ngā taipitopito pukapuka
Muka, Volume 3, Issue 4, 1 September 1990, Page 8
Word count
Tapeke kupu
435NGĀ TĀNGATA TAUMATA RAU 1769-1869 Muka, Volume 3, Issue 4, 1 September 1990, Page 8
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in