HE HUI MŌ NGĀ REO

Muka, Volume 3, Issue 4, 1 September 1990, Page 4

HE HUI MŌ NG Ā REO

Ko te Ahorangi o te Taura Whiri, ko Tlmoti Karetu te kaikorero tuatahi o nga hui e rua i tu i te marama o Here-turi-koka.

I te whare takiura o Te Whanga-nui-a-Tara te tuatahi o enei hui. E rua nga wahanga o roto: Me pehea nga reo-a-iwi e ora ai i Aotearoa nei? He pehea te whakaako i te reo Pakeha kite hunga korero reo ke? I korero a Tlmoti mo te te mana o tona ake reo, kia mohiotia ai ko tehea te tino reo o te motu.

I tua atu i ta Tlmoti i whaikorero ai, i whaihua ano tenei hui na te mea kua puta te whakaaro i te Minita Kura, i a te Honore Phil Goff, me whakarite e te Kawanatanga he kaupapa reo mo te motu. Ka pa tenei kaupapa ki te reo Maori, kite reo Pakeha, ki nga reo ote katoa o nga iwi e noho nei ki Aotearoa, a, ki nga reo rawaho hoki.

1 tu te tuarua o enei hui i te whare takiura o Tamaki-makau-rau, a, ko te tino kaupapa ko te ahei o nga Maori me nga iwi o Te Moana-nui-a-Kiwa kite panui pukapuka, kite tuhi hoki. Ko te whaikorero a Tlmoti ka pa ki te hangai o tenei ahei kite ao Maori.

I te marama o Mahuru i powhiritia a Tlmoti kia korero ki tetahi hui o te hunga wetewete reo o Te Upoko o te Ika. Ko te take, “He aha ta te kaiwetereo koha kite reo Maori?“. Ko tenei te powhiri tuatahi ki a Tlmoti kia reorua ana korero ki tetahi ropu Pakeha. Katoa nga korero i korero tuatahitia kite reo Maori, a, ka korero tuaruatia kite reo Pakeha. Tera pea he tauira mo etahi atu hui a Tauiwi!