TE ĀTĀRANGI
Kua tau te tino pouri ki runga i te whanau o Te Atarangi no te mea no nakua'tonu nei i hinga ai tetahi o nga ; J-mruhau oTe Atarangi, ara, a Raukura Leather. •',,-'.: , C -;..
Ko Raukura, he wahine toa no Ngati Raukawa. I piki i roto i nga mahi a tauiwi tae noa ki tera taumata, hei mema mo te Kaunihera Taone o Tawa
He wahine tino kaha a Raukura kite awhina i nga mahi a tona iwi, a ona marae hoki. No te timatanga o Te Atarangi, ko ia tonu tera, i whakapiri mai ki a Ngoi Pewhairangi raua ko Katerina Mataira kite hapai i te kaupapa. Ko ia te pane tuatahi o te Komiti Matua o Te Atarangi, i noho hoki ia ki tera taumata, mai ite tau 1981 kite tau 1988.
I roto i aua tau i pangia a Raukura e te mate pararaiha. Ngaro atu tona reo, ngaro atu hoki tona kaha kite htkoi, kite tuhituhi me era mea katoa. Ahakoa tera, i whawhai tonu ia kia hoki mai te waiora mete hauora ki a ia. I roto i era uauatanga katoa, i mau tonu ia ki nga kaupapa a Te Atarangi, i u tonu hoki kia tutuki nga mahi o tona turanga i roto i te Komiti Matua.
Na tona kaha tonu i hoki mai ai tona reo me tona kaha kite hikoi haere. Kore rawa tera wahine i whakaae kia noho turoro ia. Engari ko tera te taikaha o te ringa o aitua. Ora mai ana a Raukura i te mate pararaiha, ka patukia ans e te mate pukupuku. Ahakoa tona kaha whawhai i tenei mate, i toa ko aitua.
Aue, e hine Te whakaruruhau drai i ngd dwhd Te whaea whakapiimau i te whakapono Te manu thriori pupuri i te kaupapa Ko koe rd tend kua whetiirangitia Ahakoa kua huri atu te kanohi ki tua o te drai E tiaho mai ma to dhua kite whanau e noho pani nei Ka noho tonu mai ou waihotanga Hei whakamdrama i te huarahi E takahia nei e to ivhdnau Haere atu rd, haere atu rd, haere atu rd
I tanumia a Raukura i roto i nga whare koiwi o ona matua tupuna o Ngati Raukawa. Ko te hunga mate ki a ratou, ko tatou te hunga ora ki a tatou, no reira, koutou e noho mai na i 6 tatou kainga maha, i roto i nga mahi huhua o te ao hurihuri, tena koutou, tena koutou, tena tatou katoa.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19900301.2.9
Bibliographic details
Ngā taipitopito pukapuka
Muka, Volume 3, Issue 2, 1 March 1990, Page 4
Word count
Tapeke kupu
415TE ĀTĀRANGI Muka, Volume 3, Issue 2, 1 March 1990, Page 4
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in