TE HUI A TE RŪNANGA O NGĀ PUNA MĀTAURANGA O TE REO MĀORI

Muka, Volume 2, Issue 2, 1 April 1989, Page 1

TE HUI A TE RŪNANGA O NGĀ PUNA MĀTAURANGA O TE REO MĀORI

Whakaopeti ana, taiope ana kite Te Whanga-nui-a-Tara nei te kahui kaumatua i runga i to matou reo tawhiri. Ko te kaupapa nui i karangatia ai tenei whakaminenga kia pae mai, he titiro me kore e tupono kei tenei reanga pakeke etahi whakaaro e taea ai to tatou reo te whakaora, to tatou reo te pupuri mo ake tonu atu.

Ko nga ra o te hui nei ko te 12-13 o Pepuere. Ko te wahine i aroha nui ai te hui, ko te kuia i haere mai hei mangai mo Kai Tahu. Nana te korero ko ia te kuia morehu o tera iwi e matau ana kite reo, a, tokowha noa iho ratou o tona tatai e mau tonu ana i a ratou te reo. Kei tenei iwi pea te tauira mo tatou katoa kite kore tatou e u, e pakahukahu kia mau to tatou reo.

He nui te whiriwhiri, he nui te whakawhitiwhiti whakaaro, he nui te tautohetohe, he nui te katakata, he nui te whakaaro i puta. E rima nga motini i puta mai i tenei hui hei

whakatakoto kite aroaro o te Minita Maori, o Te Honore Koro Wetere. Ko te tuatahi o aua motini he tono atu "kia whakatakototia he ture e hangai ana, kia taea ai te tikanga o te kupu 'official 1 , mo te ahua kite reo Maori, te whakawhanui kia ahei ai te tangata kite korero i tenei reo ahakoa ki a wai, ahakoa ki hea, kia rite ai kite korerotia o te reo Pakeha". Ko te tuarua epa noa iho ana kite ture; ko te tono atu a te runanga kia whakawhanuitia ake te mana o te reo Maori i roto i nga koti o tenei whenua. Ko etahi atu o nga motini he awhero kia aro nuitia mai Te Taura Whiri hei kaitohutohu i nga kura, i nga kaipaho, i te iwi whanui hoki mo nga ahuatanga katoa e pa ana kite reo Maori, kia taea ai nga kaupapa a tena ropu, a tena ropu te whakawhaiti mai ki te wahi kotahi.

Hei whakatepe noa i enei korero ko ta matou takarure i nga mihi a matou ake ki a koutou i haere mai nei i wiwi, i wawa kite kawe mai i 5 koutou whakaaro ki to tatou mapihi maurea.