TAPIRI Te Whaikorero a te Upoko, Maehe 22, 1875.

Mahi a te hui o te Hahi Maori o te Takiwa o Turanga i te Pihopatanga o Waiapu, 22 March 1875, Page 8

TAPIRI Te Whaikorero a te Upoko, Maehe 22, 1875.

EI HOA MA, E NGA MINITA E NGA MANGAI o re Iwi: Tenei tetahi tikanga pohehe a te tangata, ko nga mea pai o tenei ao, e tukua mai nei e te Atua ki aia, e waiho ana hei manawareka mona, wareware tonu iho ki te Kaihomai; ko nga mea hoki i homai hei whakakororia ite Atua, whakariroia ketia ake hei whakangahau i nga mahi poauau, Ina hoki tenei mea, te ata noho o te tangata i runga i te whenua rangatira, he mea tenei e nui haere ai nga tini mahi a te tangata, e ora ai tona tinana, e hua ai hoki ona taonga, Ko te mea tika ia, ko nga mahi a te Hahi kia puta rawa atu ki mua haere ai, no te mea kahore he mea o waho hei whakaohooho mai. 'Tena, kia tirohia e tatou nga koninga ake o nga mahi a te Hahii tenei Takiwa i roto i tenei tau kua pahemo ake nei. I 'Tenei tetahi mahi kua whakahoutia i roto i tenei tau, he tangata i pa ki a te Pihopa kia whakaukia i Turanganui, i Whangara otira ko taua hunga, ehara I te taitamariki, engari, he kaumatua te nuinga i mahue i roto i nga whakaukanga o mua. Io etahi hoki, he hunga e tango ana ki te Hapa ate Ariki, Mehemea he taitamariki anake ratou, he mea kua whakaakona i roto i enei wa ka pahemo tata ake nei, katahi tena ka kiia he mahi e tupu haere ana. Ao tenei, ehara. Kotahi te Whare-karakia kua whakahoutia i roto i tenei tau, ko tera i Whangara, he whare raupo. -E korerotia ana ano he Whare papa kia hangaa ki reira ; tirohia ana te roa o tera, ka hangaa ai ko tenei hei Whare mo naianei, ko te mea e hohoro te oti, He oranga mo te Minita kua puta i te iwi ki Te Kawakawa, e 24 nga kete riwai, sKo te mea tenei e tika ana kia whakaputaia nuitia i nga wahi katoa,iia tau,iia tau. He mea whakama rawa hoki mo te iwi tona korenga e puta. He moni ano kua puta i Uawa mo te Tahua Oranga Minita, e rua tekau pauna, - Heoi ano nga mea i kitea e au hei whakapuakanga maku inaianei. Eo te nuinga hoki o nga mahi, kei te korou-kore noaiho. "He tangata e hoe atu ana i tona waka ki uta, ite awa, nui I te awa tahekeheke ; ma tona uaua tonu ki te hoe ka tutuki ai ki tana wahi i hiahia ai. - Tena, ki te mutu noa

iho tana hoe i waenganui, ka takoto aiia ki te moe, e kore tona waka e tu tonu i te wahi i whakamutua ai e ia te hoe ; engari ka kahakina e te au, ka akina hoki ki te toka, pakaru iho te waka, mate iho te tangata. -Ko te tikanga tenei ota tatou mahi e mahi nei. Ma te whakaputa tonu ite uaua i nga wa katoa me te whakaaro ano ki to tatou Tuara ki ta tatou Kai-whakakaha ka ata tutuki ai te mahi. 'Tena, ka noho noa iho tatou, ka mahi ranei ko tatou anake, kahore e whakaaro ki te Wairua Tapu hei whakakaha i a tatou, ka kahakina tatou e nga mea ote ao, a ka rite tonu ki te kaipuke pakaru to tatou whakapono. (1 Tim. i. 19.) Tenei ano etahi tohu mate e kitea ana i roto i a t tou inaianei, 1. Ko te kore Whare-karakia o etahi kaainga; ko te pakaru hoki o nga Whare o etahi kaainga. Ko te mea hoki tenei i rīria ai te whanau a Īharaira, ara, ko te mahuetanga o te Whareo Ihowa. Ki ana ratou ' Kahore ano kia taea noatia te wa e hangaa ai to Ihowa Whare," (Hakai i. 2.) puta ke ana hoki ratou ki te mahi i tona whare, i tona whare. He whakapataritari tenei i te Atua kia anga ki te whakapa mai i te whiu ki a tatou. 2. Ko nga tamariki kahore ite whakaakona ki nga tikanga ote Whakapono ki aTe Karaiti. E rua nga huarahi mo taua mea kua whakapuakina e te Hui i enei tau ka pahemo tata ake nei. Eo tetahi, me whakaputa tana whakaakoranga ki roto ki nga kura i whakaturia nei e te Kawanatanga ; ko tetahi, me momotu marire he taima kuranga i nga tamarikii nga Ratapu. o3Kahore rawa enei e mahia ana Inaianei ; ko etahihoki o nga kura a te Kawanatanga kua kore ite omaoma o nga tamariki, Me pewhea ra e pumau al nga tikanga o te Rongo-pai ki tenei Takiwa i enei tau e takoto ake nei, ki te kore nga tamariki e whakaakona ? :8, Ko te oranga mo nga Minita kahore e ata whakaputaia ana. I ata korerotia hoki tenei eau i tera tau. 4. Kote haurangi waipiro e mau tonu nei. Kahore rawa kia kitea he hua o nga kupu a te Hui i whakaputaia i mua ake nei, ki nga Rangatira Maori, ki te Kawanatanga, kia tahuri mai ratou ki te pehi itaua kino nui. Heoi, me pewhea ra he tikanga inaianei? Tenei tetahi kupū ate Karaipiture (Waiata kuvi. 3) €€ Kei whakawhirinaki atu ki

nga rangatira, ki te tama a te tangata, kahore nei ona kaha," Me tenei hoki, (Waiata Le. 12) ' Ma te Atua tatou ka toa ai; mana hoki e takahi ki raro o tatou hoa whawhai." Hei konei he whakawhirinakitanga mo nga tangata whakaaro o te Hahi, ka tahuri ai ratou ki te pehi i nga inea kino katoa, me te tohe tonu ki nga tangata e pangia ana e tenei mate kia rongo ki te ki a Te Karaiti mo nga hara katoa kia whakarerea, kia whakamutua hoki ta ratou kai i taua kai nanakia, Mehemea kahore he kaki hei horo i taua mea kua kore hoki e hokohokona ki tenei wahi, i 'Tera atu ano etahi toha mate, me waiho mo etahi wa ka korero ai, I 'Tenei ano hoki tetahi korero no te Hinota Nui i whakaminea nei ki Poneke i a Mei ka pahemo ake nei, He whakaritenga hou na te Hahi o Ingarani i nga Upoko mo nga Karakia o nga Ratapu, o nga ra nui, o nga ra katoa o te tau kua whakaaetia e taua Hinota kia waiho hei tikanga mo te Hahi i Nui Tireninei. -Koia tena kua oti te perehi ki te reo Maori, te tuwhatuwha hoki ki nga wahi katoa. Heoiano. YKo te Atua hei Kai tohatohu mo ta tatou mahi, kia ata hurihurihia ai e tatoa nga mea e kake ai te pai o tenei wahi o Tana Hahi. I