WHAKATUWHERATANGA O TE WHARE-KARAKIA HOU O TE ARAWA.

Kopara, Issue 11, 1 August 1914, Page 1

WHAKATUWHERATANGA O TE WHARE-KARAKIA HOU O TE ARAWA.

TE WHAI-KORERO A TE TUMUAKI. HE nui te koa mete hari o toku ngakau, moku i tupono i tenei wa, ki oku teina o te iwi Maori. Mai ano o toku unga mai ki tenei motu ka noho i roto i toku ngakau te aroha kia koe kite iwi Maori. Kati i tenei wa kua tae mai ahau ki tenei kainga rongonui, apiti ki tena kua waiho tenei wahi hei whakatumanawa mo te Hahi i roto i enei takiwa. Te Wharekarakia Hou e tu mai nei, he tohu tera, kite nui ote whakapono o nga tangata na ratou nei i whakaara, e tumanako ana hoki toku ngakau kite Hui Topu ka tu nei ki konei kia pai, kia kaha kia puta mai hoki etahi hua papai i roto i ona whakahaere katoa i te mea kua karangatia nei ahau e koutou he Tiamana mo tenei Hui Topu. Ko taku hiahia pono, kia uru ki roto i o koutou ngakau, ka whakapau ahau i toku kaha kia tu ahau hei Pihopa pono mo koutou. E mohio ana ahau kite nui o to koutou kaha, i waenganui i te iwi Maori, i roto i nga huarahi me nga whakahaere o to koutou whakapono, kei a koutou tonu na e man mai ana. He ahakoa ko te mea tino nui ko te whakarongo kite reo o te Atua, mete whai i ana tohutohu. Tenei ahau kua karangatia hei Pihopa mo koutou, hei matua mo te Hahi i roto i nga manaakitanga ote Atua Matua. Kua korerotia mai na e tetahi o koutou. He hepara ahau, hei tirotiro i nga wahi pakaru o te taiepa. No reira tenei ahau te

haere nei, mehemea ki te kitea e ahau he wahi pakaru 0 te taiepa maku e whakaora. E te iwi Maori kei te mohio tonu ahau, tera koutou e manaaki i ahau, e whakarongo hoki ki aku tohutohu. Ka whakapaua e ahau toku kaha kite tohutohu, i a koutou, ano he matua e tohutohu ana i te tamaiti. Ehara 1 te mea e whakaaro ana ahau ki nga tangata na ratou nei i kawe mai te whakapono ki konei, me o koutou matua hoki, na ratou nei i pupuri te whakapono i runga i te hari, mete ngakau tapatahi. Kati i a tatau e whakamahara ana ki a ratou mahi i era nga ra, kia mau ano o tatou whakaaro ki nga mahi me nga whakahaere 0 enei nga ra. Kia mahara tatou ki nga kupu a Paora te Apotoro ; “ Kotahi ia taku wareware ake i ahau nga mea o muri, tau totoro tonu atu ki nga mea i mua.” E nga iwi nunui e rua e tau nei, te Pakeha mete Maori. He iwi kaha korua ki nga pakanga i nga ra o mua. Pakanga whenua, pakanga moana, ina te moana nui a Kiwa i hoea mai e koutou, ara e o koutou tipuna i whiti mai nei ki konei. Kati i tenei wa kua whakakotahitia tatou katoa ki raro i te kingitanga kotahi hei tiaki i a tatou katoa. No reira kua teina kua tuakana tatou katoa i roto Ito tatou Ariki i aTe Karaiti. No reira ko te huarahi hei whakaora i nga wehewehenga i waenganui i a tatou, i korerotia mai e etahi o nga kai-korero, kotahi anake te huarahi ko te aru anake i nga tapuae o to tatou Ariki o Te Karaiti. I mutu tana whai-korero i runga i te mihi ki nga iwi katoa.