PIHOPATANGA O WAIAPU.

Kopara, Issue 6, 1 March 1914, Page 1

PIHOPATANGA O WAIAPU.

WA O RENQTI. NO te 26 o Pepuere nei ka tuhia mai e te Pihopa i tona kainga i Nepia tenei reta, ara: — Ki taku Kahui,- —

I runga i te whakamanuhiritanga a te Minita o te Wharekarakia nui o te Pihopatanga ratou tahi ko ana Apiha i au me te hunga hoki i tae kia kite i toku whakawahinga ka tere taku kite i etahi o koutou ; ko te tokomahatanga atu ia o koutou kia haere rawa pea au i roto ite Pihopatanga ka kite ai. No reira ka whakaaro au me rere a reta noatu he kupu maku ki a koutou i tenei wa mete mea atu ki o koutou minita kia riro ma ratou e panui ki a koutou i roto i o koutou whare-karakia. I te wa i pootitia ai au hei Pihopa mo koutou ka whakamau oku whakaaro kite wa i mua mai o Reneti hei wa whakatutukitanga mo tera karangatanga i runga i toku tinana kia waiho ai a Reneti he pou timatanga mo taku takatu i roto i a koutou. I whakateteka au kia tutuki tenei tumanako oku a e tino hari ana toku ngakau i runga i te mea kua tutuki.

Ko Reneti tenei ko te wa e rangona ai te reo o te Atua, ko taua reo nei tenei ona ara ko tana Hahi e karanga nei ki ia wairua tangata ki ia wairua tangata, “ Eta rapua mai toku mata.” He wa tenei e whakapau ai te tangata i tona kaha ki te pehi i tona tinana kite mea hei pononga mana, he wa e mea ai tona wairua ua watea i nga whakataumaha o te ao, o te kikokiko o te rewera, “ Tenei e Ihowa ka rapu au i tou mata.” Ko te mea e hapa nei i a tatou ko te kaha hinengaro, ko te kaha wairua; tena ra whaia kia whiwhi tatou ki taua mea. Kei pohehe koutou ko te whakarite i nga karakia e whakaritea ana e o koutou minita te mea nui e mea ai koutou i roto i o koutou ngakau he nanakia tenei i te mea kua tae matou kite karakia. Kahore—engari whaia ko te hohonutanga kaua hei te whakarite kau ! Whaia ko te mata ote

Atua kia kitea e koutou. “ Rapua a Ihowa ara ko te rapu tenei ko te whakapau o ia tangata o ia tangata i tona kaha kia tino tata ia kite taha ote Atua kia mohio ai ia ki tona nui, ki tona wehi me tona tapu, kia matau ai ia ki ona whakaaro katoa.” Ko te mea tino nui tenei kia mohio te tangata kite Atua.

Kotahi rawa ano te huarahi a ko taua huarahi ko te ngakau Ripeneta. He hara te mea e arai nei i o latou mata kei kite ite Atua e whakangohe nei i o tatou hinengaro. Ko ia i tika ai kia whiwhi tatou ki ta te Atua awhina hei kaha mo tatou. Kei te herea tatou e nga here huhua ote hara a kaore o tatou honeatanga —engari ma te maramatanga rano o tona Wairua Tapu kia whiti mai ki roto i a tatou ma reira rano tatou e kite ai ae he tika kei te mau tatou i te hara ma reira rano tatou e mohio ai ko iara ko te hara e whakakapo nei i o tatou ngakau kei kite i te Atua. Ma taua Wairua Tapu ano hoki e homai te ngakau iro ki a tatou, ma te ngakau iro anake hold ka pouri ai tatou mo o tatou he. Waiho ko te wairua o te Kai-waiata he wairua mo tatou i mea ra ia “ Whakamatauria ahau, kia matau mai hoki koe ki oku whakaaro, kia kite me kahore aku ara kino : ka arahi ai i a au ite ara pumau.” He wa ano hoki a Reneti e whakapau ai te tangata i tona kaha kite inoi. Tena ra kia pau to koutou kaha kite inoi. Inoi mo te Pihopatanga, inoi mo o koutou Minita. Inoi mo te mahi e whakahaerea nei kia akona te Karaipiture i roto i nga Kura Kawanatanga kia hira rawa to koutou kaha kite inoi mo tena take, kia tau iho te manaakitanga nui a te Atua ki runga ki taua whakahaere kia whakahohorotia e ia te wa e tutuki ai taua take. Tenei ka tumanako te ngakau kia whiwhi koutou ki nga manaakitanga ena roto mai i tenei wa o Reneti. Heoi naku. Na to koutou ponongo i roto i a Karaiti Ihu, Wm. Walmsey WAIAPU.