PITOPITO KORERO.

Kopara, Issue 3, 1 December 1913, Page 6

PITOPITO KORERO.

He huhua nga tangata matau kua kind tikanga e kore ai tenei ahua te taraika i te mata o te whenua otira kaore ano kia mohiotia me pewhea e kore ai. Ki ta etahi tangata titiro kore tahi he panga o tenei mea o te whakapono ki taua take. Otira mehemea ka hohonu te titiro a te tangata ka kitea koianei anake te mea e kore ai taua ahuatanga ara ma te noho o nga whakaakoranga a Te Karaiti i roto i te ngakau ote tangata. Ko te whakaakoranga tino nui aTe Karaiti ko te tuakangatanga mete teinatanga ote tangata kite tangata, ko te aroha o tetahi ki tetahi ano he whanau kotahi. Ko te tino putake pea tenei i puta ai nga taraika e rongo nei tatou ara he kore no tenei mea i roto ite ngakau ote tangata. Ko te kupu nui onaianei ko nga kupu a Kaina e mea ra, “ ko ahau ranei te kai-tiaki o toku teina ? ” Ko te ahua tenei o tenei ra ka whakatika tonu te tuakana kite teina mete teina ranei kite tuakana. Kei te kohuru tetahi i tetahi. No reira ka mutu

ano te mea e titiro ai te tangata e whakaaro ai he teina he tuakana ma nga whakaakoranga a Te Karaiti i haere mai nei ki te tuku i tona tinana mo ona hoa. Mehemea ana pea aTe Karaiti i whai ko te painga anake mona kua kore noaiho o tatou painga. Ka kite tatou i konei ka mutu ano te rongoa mo tenei mate ara ko te whakapono. Ma te whakapono ka mohio ai te rangatira kite utu tika mo tana kai-mahi, mete kai mahi ka mohio ai ko te utu tika tera mona e kore ai e whai kia rarua tetahi i tetahi. Whakaaro iana ki nga tangata e mahi nei i roto i te Hahi, he tino he rawa atu te utu o etahi o ratou me ki he utu taurekareka. Otira he aha te mea e pupuri nei i a ratou kite mahi Minita. Koianei ko nga whakaakoranga a Te Karaiti. Mehemea ana pea e mahi ana ki tetahi rangatira noaiho o te ao nei kua mahue noatu te mahi. Heoi nei enei whakamarama.

I Turanga nei a Pihopa Awarere i nga ra whakamutunga o Noema he taenga whakamutunga mai nona ki konei. Itu he po poroporoaki i te hooro nui o te taone na nga tangata katoa o Turanga nei, ara nga tangata Pakeha. He maha nga kupu mihi ki a ia. Mona ka wehe atu i tenei Pihopatanga.

No te Ratapu te 30 o nga ra o Noema nei ka wehe atu etahi o nga tangata o te Kareti oTe Rau. Ko Hod Raiti kua hoki ki Akarana kia whakapangia hei Rikona. Ko Paora Te Muera e haere ana ki Poneke kia whakapangia ano hei Rikona.