HE KAUWHAU

Kopara, Issue 3, 1 December 1913, Page 8

HE KAUWHAU

Na Father T. Rees. AHAKOA kua nuku atu i te mano tau inaianei te whakapuakanga a Te Karaiti i enei kupu kei te mau tonu te mana o aua kupu ana i tenet ra. Otira mehemea kua unuhia e ia ana kupu he tangata korero teka rawa ia; penei kua he katoa nga whakahaere e pa nei ki tenet mea a te whakapono, ara te tikanga kahore kau he painga o tatou e pupuri nei ki tana mea. Whakaaro iana kite oati a te wahine raua ko tana taane i te wa o to raua marenatanga. Mehemea kite pakaru te oati i waenganui i a raua e marama ana ki a tatou te tukunga iho ara he tangi, he pouri, he mamae, he aue, kaore e mohiotia te kainga he kainga. Ka mutu te katakata mete harakoakoa ka to te maramatanga ki runga ki to raua kainga ka uhi ko te pouritanga. Whakaaro ano hoki kite oati i waenganui i tetahi peeke mete tangata whai moni i roto i taua peeke. Ka pewhea te tukunga iho ina pakaru te oati i waenganui i a raua ? He marama noaiho te whakahoki mo tenei patai. Kite pakaru taua oati ara e pakaru ai ma te pakaru ote peeke he kino te tukunga iho ka ruihi kino taua tangata he moni ra ana i roto i taua peeke me taua peeke ka ingoa kino. Waihoki mehemea kua pakaru tenei oati a Te Karaiti katahi nei taru kino, taru whakaaroha i a tatou e pupuri noa nei kite whakapono kaore kau la i o tatou taha, kaore tahi la hei tuara mo tatou, hei hoa mo tatou i nga wa katoa ara tona tikanga ka he katoa to tatou whakapono. Otira me tino whakawhetai tatou kei te mau tonu te mana o tenei oati a Te Karaiti mai o te wa i whakapuakina ai e ia ahu mai ki nga whakatupuranga huhua o muri mai tae noa mai ki tenei whakatupuranga a e haere ake nei hoki a te mutunga rano o te ao. Nga huarahi i kitea ai e tatou kei a tatou tonu ia i nga wa katoa ko enei—(i). Kei a tatou tonu nga korero o tona oranga, nga korero o ana mahi o ana whakaakoranga, o ana tohutohu, o ana whakahau i tenei ra. Kahore ano enei ahuatanga kia mate engari e heke haere tonu ana ki ia whakatupuranga ki ia whakatupuranga. Ahakoa he kotahi mano tau nana i wehe atu te wa i mahi ai ia i ana mahi whakamiharo e rite tonu ana te matomato o aua mahi ana i roto i te ngakau o te tangata i tenei ra ano mete mea no tenei ra ano aua mahi ana. E whakamaharatia tonutia ana nga ahuatanga huahua o tona oranga i roto ite Hahi eia whakatupuranga eia whakatupuranga. Kei te ora ia me ana mahi me nga korero o tona oranga i roto i a tatou, ara i ora mai i roto i nga whakatupuranga huhua kua hori ake nei tae mai nei ki a tatou, he tohu tena kei nga whakatupuranga ia i nga wa katoa, a kei a tatou o tenei whakatupuranga inaianei, “ Ko ahau tena hei hoa mo koutou i nga wa katoa.” Otira e hara tenei ite tikanga o nga kupu aTe Karaiti e mea nei “Ko ahau tena hei hoa mo koutou." He ahuatanga tenei e horapa ana ki nga tangata nunui katoa kua noho ki tenei ao ara te whakamaharatia o ratou. E whakamaharatia tonutia ana e tatou nga tangata nunui i roto ite Hahi otira ka mutu ano ko o ratou ahuatanga me a ratou mahi kei te whakamaharatia e tatou engari ko o ratou tinanatanga kia heke haere ki nga whakatupuranga katoa kaore. Ma tatou e titiro i konei he nui ake i tenei te tikanga ote oati aTe Karaiti. He aha te tikanga o taua oati? Ko te tikanga tenei ara kei te tu tinana tonu la, ara te Atua ko la nei hoki te whakatinanatanga ote Atua i o tatou taha, i waenganui i a tatou. Mehemea kite ui tatou ki te tangata tuatahi ara ki a Arama kei whea te Atua tera a Arama e mea mai kei te rang! tika tonu kei te rang! te Atua. Kite pataia ano tera la eki mai kei nga wahi katoa ote ao; he tika ano tenei whakahoki. Tena pataia ano a hei tenei pataitanga tera ia o mea mai ana kei te Kari o Erene na; ina tonu nei i mutu ai ta maua korerorero. Pataia tetahi o nga tamariki o Iharaira ite wa e haere ana ratou ite Koraha hei kona tatou ka kite i enei whakahoki—{a) Kei te rangi te Atua: he tika. (6) Kei te ao katoa te Atua: he tika. ( c ) Kei roto i te teneti na te Atua ara kei roto i te aaka i roto i te teneti, Pataia te Hurai i te wa o Te Karaiti ka rongo tatou i enei whakahoki—{a) Kei te rangi te Atua: he tika. (6) Kei te ao katoa: he tika. (c) Kei te roto i te temepara na e whakaora tangata ana: he tika. Pataia inaianei ko te Karaitiana ka rongo tatou ki enei whakahoki ana fa) Kei te rangi te Atua: he tika. ( ) Kei te ao katoa: he tika. (c) Kei te tepara o te Kainga Tahitanga Tapu. Ae ko ianei te tino tikanga o nga kupu a Te Karaiti e mea nei ko ahau tena hei hoa mo koutou i nga wa katoa. Ko te wahi tera e tino kite ai tatou iaia ko te wahi tera e tino kaha ai to tatou mohio tenei tonu ia kei o tatou taha tenei tonu ia kei waenganui i a tatou, Kei pohehe tatou kei mamao rawa atu ia; kaore ina tonu ia kei te pa tonu mai ki a tatou, ko ia tonu e whakakorikori nei, ko ia e mea nei i o tatou manawa ki nga. Ae ka hohonu haere to tatou whakapono ka marama haere te titiro a nga kanohi o tatou wairua, hei reira tino matau ai tatou kite tikanga o nga kupu aTe Karaiti e mea nei “ko au tena hei hoa mo koutou i nga wa katoa." Hei to tatou kitenga ia ia kaore hoki he wahi e hapa ai to tatou kite ia ia ara ka kite tatou iaia i nga wahi katoa. Ko ia nei pea to taua mate nui to te Maori tae atu ano hoki kite nuinga ote Pakeha, he pohehe, kei aua noatu te Atua, kei aua noatu aTe Karaiti, kei te rangi rano, kei runga noatu i nga whetu? Kaua hei pohehe, ana tonu aTe Karaiti kei waenganui i a koutou etu ana. Kei te whakarongo tonu ki a koutou korero—kei te titiro tonu ki a koutou mahi, kei te haere tonu i o koutou taha. Kahore e kitea e koutou ma te koi rano o to koutou whakapono ka kaha ai kite kunu atu ki taua ao kei tenei ao tonu e pa tonu mai ana ki to tatou ao kei reira nei to tatou Kai-whakaora e matakitaki mai ana kite ahua ota tatou oma. Waiho hei inoi ma tatou ko te inoi a nga Akonga ki aTe Karaiti, “ E Ihu whakanuia to matou whakapono.” Kia kite ai tatou i a la kia whawha atu ai hoki ki a la.