HE KOHA KII NA TAKU KUIA
E Ta e taku mokopuna Te mana whakaheke o tupuna Homai o taringa kia ngaua e hau Mai kore e tau te whakaaro nui ki a koe E hangaia koe i te waahi ngaro E te mea ngaro No reira o titiro, o whakarongo, o whai kii Me pupu ake i te waahi ngaro Ara i to ngakau
E ta whakatipuhia to mana I runga i to mana whakaheke Me aro koe kite ha ote tangata Hangaia te tangata i tana i kii ai I tana i pai ai Whangaihia kia orate tinana Kia orate wairua kia noho tahi ai I runga i te rangimarie Whaka uuhia kite kakahu mahana Ki te whakaaro nui
E taku mokai he wa poto noa koe I waenganui i te wa kua hipa i te wa kei te tu mai No reira kia tere te whakarata i to ngakau Ki nga ahuatanga o tou nei wa Haere whaia te matauranga o te pakeha Kainga rawahia hei kinaki i to kai tuturu Ko to kai tuturu ko te matauranga o tupuna E hika, mahia nga mahi kia rite tona whanui Ki te whenua, kia tika ai hoki, ko to taumata Ko te rangi e E hara he koha kii na taku Kuia Tenei te tangi ake kia koutou e ....
Permanent link to this item
https://paperspast.natlib.govt.nz/periodicals/KAEA19791201.2.18
Bibliographic details
Kaea, Issue 1, 1 December 1979, Page 21
Word Count
220HE KOHA KII NA TAKU KUIA Kaea, Issue 1, 1 December 1979, Page 21
Using This Item
Material in this publication is subject to Crown copyright. Te Puni Kōkiri has granted permission to the National Library of New Zealand Te Puna Mātauranga o Aotearoa to develop and maintain this content online. You can search, browse, print and download for research and personal study. Permission must be obtained from Te Puni Kōkiri for any other use.
Log in