Untitled

Waka Maori, Volume III, Issue 71, 24 March 1866, Page 77

Ko te tima o te Kawanatanga, te Kira, kua rere ki Wharekauri kite kawe i nga herehere Hau Hau ki reira noho ai—no te Hatarei te 10 o nga ra o Maehe i rere atu ai i Nepia. E whitu te kau nga Hau Hau i utaina atu i konei, hui ki nga wahine, ki nga tane, ki nga tamariki. Ko enei i mahue ki muri nei kia hoki mai ra ano te Kira katabi pea ka kawe atu ai. E rua te kau ma rima nga hoia o te taha Kuini i haere tahi i a ratou, he pakeha etahi he hoia maori efahi. Ko Kapene Tamati, te Kai Whakavva o Wharekauri, tetahi i haere tahi atu i a ratou. E mea ana te Kawanatanga kia retia mai e nga maori o taua moutere tetahi wahi whenua hei nohoanga mo nga herehere. Ka'ruritia mariretia te whenua, ko te tangata ko tona wahi, ko te tangata ko tona wahi. Ma te Kawanatanga e hoatu he hapara, he toki, me etahi mea atu hei ngaki i te whenua, me nga purapura hoki. He kai hoki ka hoatu ano ete Kawanatanga i te tuatahi, muri iho kia tupu nga mara kai ka whakamutua te kai a te Kawanatanga—hei reira ai ka hemo te mea mangere. Tera te takiwa e whakahokia mai ai ki tenei motu kite pai ta ratou noho i Wharekauri—ka whakahokia mai ka tukua kia hoki ki o ratou whanaunga. Ko nga maori e noho ana i tera moutere inaianei no Ngatiawa, no nga hapu nei no Ngatitama, no te Kekerewai—no Ngatimutunga etahi. No te tau 1836 i rere atu ai te taua o enei hapu i Po Neke, te taengaki Wharekauri ka mate nga tangata o reira i a

ratou, ara nga Moriori, waiho ana hei taurereka—ehara hoki te Moriori i te iwi mohio kite riri. Te Rangatira o Ngatiawa i haere atu ai ko Poraare ; kei reira e tanu ana inaianei. I tenei takiwa etoru rau e waru te kau ma wha tonu nga Maori e ora mai nei kei taua moutere ; ko nga Moriori kotahi tonu rau te kau ma whitu—bui katoa nga Maori me nga Moriori ka rima rau ma tahi. Ko te pamamao atu o Wharekauri i tenei motu e wha rau maero. Kia hoki mai te Kira ka korerotia ano e matou nga korero o reira. [Ko te Pukapuka neina he mea mahue na nga Hau Hau i to ratou pa i Tukurangi i rungai te hiwi i Waikare Taheke i te hororga o te pa i te po i nga maori Kuini—i a Kopu Pitiera ma, i a lhaka Whanga, i a Paora te Apatu ma. He omanga hoki no taua Poropiti teka i te wehi i mahue ai tana pukapuka teka.] Te Kapakapa. Kite kainga kite Ariki. Ki a Matenga Ruta, ki a Reihana. E hoa ma, whakarongo mai. Mehemea he korero kei a koutou hurihuri marika mai i kona, ma korua hoki e mohia ko Nama kei Orewha. Ko te Urewera, ko tenei ra tau ai ki Waikare. Na konei ahau i mea atu ai kia mau marika a koutou whakaaro ki a Nama. E tauma, whakarongo mai, tenei te kupu, Kua puta mai te whakaaturanga hou a to tatou Hau Pai Marire ki a hau ; te tuatahi he Mango na Puhirua; te tuarua he Pakake na Rakaupuhi. Na kia mohia koutou kite titiro i te ahua o enei mea e rua; no te riri tuatahi ena, hai reira te mohiotanga mai ma te ngakau o te tangata. Ko tenei he Pakake ano. Na ko te ki mai a te tangata ki a hau ; " Tunua kite ahi kia kakara ai." Na, ka mutu ten a ka ki mai ano taua tangata ki a hau; —"Kia ata mahi, kin ata mahi. Mehemea ku ata mahi koe k-i pae ano he Pakake." Na ka mutu tena. Moe iho ano ahau ka whuka kitea mai ano ki a hau e horr.;ii ana he kao kumara ; taku naomanga atu kainga ana e a hau. Ko tenei e hoa ma ka tata K.i te ra e whawhai ai—me kai e koutou. Ko tenei hoki tetahi, kite pa kite whawhai ko te

toto o tatou whanaunga mauria atu whangaia kite Apa Hau, ara kite tangata nana te mahi. Na ka kite koutou ite tino kuao e takoto ana pokaia te manawa, tunua kite ahi kia maoa, whangaia ki to tutou Hau Pai Marire. Ka huri, huri mutu. Na to koutou hoaporopiti, Na Pene Titi,