HE ROANGA NO TE KORERO NEHERA NO INIA I TERA NUPEPA.
Te waihotanga o te korero nei i tera nupepa e kukume ana te wahine i te naihi i. werohia ai te tangata e tokoto ana. Nawai ra i kukume, i kukume. a, ka taea—otira ko te matamata i whati ki rote rakau, mau tonu iho ai i kona. Katahi ka puta te hiahia nui o te wahine ra kia taea e ia nga taonga o te kai hoko, i wbakamomori ai tera kite patu tangata; whakana ana nga karu. tare ana te manawa i te kawenga o te hiahia ki ona taonga ka whauo ka riro mai—me te mea ko tetahi atua kai tangata teahua. "Wuakateteka
tonu kite kukume i te peeke i raro i te upoko o te tupapaku. ra; no te rironga mai ka taka ki tahaki te kahu i porekutia kite kanohi; katahi ka kite iho te wahine i te kanohi, ko tona tana tonu ! Heoi, whakarara ana te waha kite tangi; whiua whakareretia ana te peeke kite wkenua, katahi ka tahuti haere ki ro ngahere tangi haere ai. Tau ana te wehi kite tangata i runga i te rakau; noho puku tonu ana, te korikori, te aha i te mataku. Kite heke ki raro, akuanei pea ka tutaki i te wahine, katahi ka patua ko ia hold i te kawenga o te pouri o tona ngakau mo tona tane ka mate ; ka kitea rand ia e tetahi tangata ka kiia nana i patu; heoi, mea ana me noho tonu ia i tona rakau kia taea ra ano te awateatanga ka heke ai ki raro. Katahi ka noho, mete titiro makutu tonu iho ki le tupapaku e t:\koto ana i roto i ona toto. Nawai ra i titiro, a, ka ohorere i te wahine e hoki mai ana me nga pirihi. Haere tonu mai, tae noa mai kite whare : katahi ka tirohia te tupapaku, ka haere hoki ki ro whare rangahau ai; muri iho ka tahuri ratou kite tuhituhi.ki te pukapuka nga mea i kitea e ratou. Ka mahara i konei te kai iioko ko tona oranga tenei, ko te hunga tenei mana ia e whakaora ; katahi ka whakaugaruetia nga peka o te rakau, kia kitea ia. No to ratou tirohanga atu, ka whakaanga atu te pu ki a ia, ka karangatia kia heke i ho. No te heketanga iho ki raro ka ohorere ia, u ana, ki a ia o hopungia ana, e hereheretia ana, e nga pirihi mo te ki a te wahine ko te tangata tena nana i kohuru i tona hoa aroha nui kua mate na. Hei konei ka mauria te tangata ra ka whakawakia ; ki uoa ia ehara i a ia nana i patu—hei aha ? kaore i whakarongoca; meatia ana me mate ia, no te mea e marama tonu ana te korero a te Korero ana taua wahine i roto i te whakawa, ki ana i haere mai te kai hoko ki to raua whare i te po, ka mea kia nioe ia i reira i taua po ; whakaaetia atu ana e raua ko tona tane; muri iho ka tan tone tona tane raua ko te tangata ra mo te utu o etahi o nga taonga e liokona ana ; nawai ra, ka riri tonu iho raua. a, ka panaia te kai hoko ki waho e tona tane kia haere atu. Muri tata iho ka haere tona hoa ki te whakamahau takoto ai i te wahi hauliau—no te mea e pumahu ana i to raua ririuga, i te inumanga hoki i te wai "tati"—-a, moe tonu iho i reira. He ngaehetanga i waho nana i whakaoho te wahine i oho ai; ko tona haerenga kite titiro atu ki waho, katahi 1m atcu lute marire ia i te kai hoko e wero ana i tona tane. Hei konei kua pa te wehi ki a ia, kaore i kuihi tona waha koi patua ko ia hoki; katahi ia ka puta ki waho ma te whatitoka i te tuarongo o tc whare, ka oma ki te taone kite tiki tangata—ko te hokinga mai ka inau te tangata na. Mahara ana nga tangata katoa i roto i te Kooti Whakawa he korero marama nga korero a te wahine. Kua mohiotia hoki taua wahine he wahine aroha nui ki tona tane ; hei aha kia korero parau ai? Mahi tonu nga roia kite aki i nga taringa o te Huuri (te tekau ma rua) kia whakaotia e ratou te he ki runga kite kai hoko. Kotahi tonu te tangata i roto i te Kooti ki hai i whakapono ki a te wahine korero ; ara, ko te Kai Whakawa rawa ano—he tangata ngakau marama hoki ia, he tangata mohio. Kua mohio noa ake ia, i roto i tona ngakau ake ano, he pono nga korero a te kai hoko: otira, me peheae taka ai nga korero a te wahine ? Katahi ka whakaotia e te Huuri na te kai hoko ano i patu. Ka inutu—heoti ma te Kai Whakawa ko te whakaputa i te kupu whakamate : a, puta ■wehi ana taua kupu i a ia, no te mea e mahara ana ia he whakamate noa i te tangata hara kore —otira e taea hoki e ia te aha i te whakaotinga a te Huuri 1 Engari kotahi tana i kaha ai, ara, he whakaneke atu i te rangi hei whakamatenga ki tawhiti—heoi, karangatia ana e ia kia 15 nga ra ki muri ka whakamate ai. Ko te whainga o te Kooti i whati ai. No te taenga o te Kai Whakawa ki waho katahi ka puta ona whakaaro; katahi ka tonoa he tangata hei tiki i te papa i takoto ai te tane o te wahine i roto i te whakamahau; te taengamai ki a ia katahi ka ata tirohia e ia ; kite iho ana he matamata naihi e mau ana ki roto. No te unuhanga ka mohiotia he matamata kokonaiti
ia. Katahi ka tonoa nga tangata hei kimi haere i te huarahi haere mai i te wkare o te wahine, ka haere mai kite taone. Ta ratou mahi kite kimi; kimi noa, kimi noa, a, ka kitea he naihi kokonaiti i te taha o tetahi puna wai e takoto una, kua waikuratia noatia atu, ko te matamata hoki kua wkati atu ; ko te ingoa o te tane o te wahine e mau ana ite kakau—ka mohiotia i konei ehara i te kai hoko te naihi, engari na te wahine ano. No te kitenga i te naihi ka hopungia te wahine, ka whakaaria taua naihi ki a ia. Katahi ka pawera toua ngakau, ka whakaae mai nana ano i patu, na nga taonga ia i whakawai. Ka ki mai kua mea te Atua Ida mate ia mo tona hara ; inahoki nana rawa (na te Atua) i whakahoki ake te naihi i roto ite puna wai—te wahi i whiua e ia. Nana ra tera i whakaaro na te Atua i whakahoki ake; otira he mea taka marire ia ki tahaki —-e ngaro ia na te Atua ano te whakaaro i taka ai ki reira, hei whakatika i te he o te wahine. Heoi—ora ana te kai hoko, whakamatea ana ko te wahine.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/WAKAM18640220.2.7
Bibliographic details
Ngā taipitopito pukapuka
Waka Maori, Volume I, Issue 19, 20 February 1864, Page 2
Word count
Tapeke kupu
1,191HE ROANGA NO TE KORERO NEHERA NO INIA I TERA NUPEPA. Waka Maori, Volume I, Issue 19, 20 February 1864, Page 2
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in