TE MATENGA O HERA TE ATA.
E nga Whanaunga, E nga Tungaane, E nga Tamariki, E nga Mokopuna, O Hera Te Ata; —Tena ra koutou, te ahuatanga o to koutou Tipuna, kua wehe atu nei ia tatau kite waahi tuturu mo te Tinana ote tangata, hei kona ra koutou mihi mai ai, ki a ia, pouri ai, tenei kua tukuna ake e matau, ki te waahi i rite ai mona i te whenua, e ono* putu te roa, e torn putu te whanui e ono putu te 'hohonu, i hui nga Hapu, ki runga ki aia mihi ai, mo runga i tona manawanui, i runga i te mea tekau marima nga tau e whakamamaetia ana ia, a, katahi ano ia ka riro i tona boa whawhai, ko taua wahine he tino kaumatua ia, i haere kaumatua ia ki te heke ki Nukutaurua, a, koona tau, 105, he wahine ia, e uru ana ki roto ki nga whakahaere nunui, a te Iwi i Wairarapa nei, he Wahine ia i mau tonu kite whakapono, ote takiwa i tae mai ai te whakapono ki Wairarapa nei, ki Nukutaurua, ka noho ia i roto i te whakapono a tae mai kite ra i mate ai ia, kaore ia i riro i nga whakamatautauranga ara, i etahi Karakia, i puta mai ki runga i tenei motu, na e hoa ma, tenei tetahi mea nui i puta kia ia, i te takiwa, ka mohio ia ko cc tau tenei hei tangohanga i a ia, ka Inoi ia ka noho puku, a, 120 nga ra i noho puku ai ia, i whakamatau ai ia, mo te mamae kia tangohia atu i a ia, a, te taenga tonutanga ki te 120 nga ra ka mate hoki ia, ko te ahua o tona matenga kaort he kino, kite titiro atu a, i runga tonu ia i te korero, mate noa, ara, ko ana kupu whakamutunga tenei, ki ana Tamariki. Ko ia tenei:—Ko te waahi tuturu mo te tangata, ko te whenua, e ono pntu te roa, e toru putu te whanui, e ono putu te hohonu i te wa e hoki ai te tinana o te tangata kite whenua, ka hoki atu te ha ote Atua kite Rangi, e mohio ana ano au ka hoki taku tinana kite whenua kite waahi i tangohia mai ai, ko te Ha i whakanohoiakirotoiau,kahoki ai kite rangi, kite waahi i tukua mai ai ki au, e mohic ana koutou 120 nga ra inohopuku ai ahau, a kite mohio tuturu i roto iau, na te Atua tonu ahau itiaki mail roto i enei ra 120, me titiro mai koutou ki tenei Paipera e mau atu nei i taku ringa, ka 58 nga tau e mau ana i au, Lei huarahi tenei mo koutou, te taenga ki enei kupu ka hemo. Heoi e te Iwi, he nui te aroha, te tangi onga tangataoWaira»pamona,a,tenei anokainga tangata o Wairarapa e pupuri ana, ana tikanga katoa, i urusa ia kiroto inga whakahaere 6 Wairarapa nei, ko te ra i mate ai ia, no te 7 o nga ra o Hurae, i te ata. Heoi ano.
Permanent link to this item
https://paperspast.natlib.govt.nz/newspapers/PUKEH18980802.2.13
Bibliographic details
Puke ki Hikurangi, Issue 12, 2 August 1898, Page 5
Word Count
517TE MATENGA O HERA TE ATA. Puke ki Hikurangi, Issue 12, 2 August 1898, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in