TE WHAKAHOKINGA A TAWHIAO I TE MONI PENIHANA A TE KAWANATANGA.
Whakarongo mai e nga Iwi! Ko te moni Penihana a te Kawanatanga i homai nei e te Karimana raua ko Hori Wirikiha ki au, i Akarana; ite ra i whakaaturia atu na e "Te Paki o Matariki," i tana haerenga atu i te 9 0 nga ra o Akuhata, o te .tan 1893 kua mahue ake nei. Ko taua moni e £56 6 rima tekau ma ono pauna, e ono herengi. I homai taua moni a te Kawanatanga e te Karimana hei moni Penihana maku, me ana kupu whaka-pai-pai ano moku; tena pea kua rongo koutou ki a "Te Paki o Matariki," i etehi o ana haerenga atu-na kia kite i a koutou. I mea atu ano ahau ki aTe Paki o Matariki; —"Haere ki nga Iwi, korero atu: kua tukua taku pukapuka kite Kawanatanga i mua atu i taku ngarenga atu i a "Te Paki o Matariki" na, i aia i haere atu-na kite whakaatu kia koutou ki nga Iwi Maori, e noho nei i Aotearoa mete Waipounamu; ite homaitanga ate Karimana. 1 taua moni Penihana a te Kawanatanga nei maku. Na, ko nga kupu enei i kiia atu ai e au, hei korero atu ma-ana ki a koutou, i nga kupu o taku pukapuka kite Kawanatangaa e mau iho i runga ake nei, ara, i penei atu etehi o nga kupu o taku reta: Kite Kawanatanga, katahi ahau ka mohio he "Huu" ta raua mahi moku. Inaianei, mutu tonu au ki taua moni, kaore rawa aku maharatanga atu ki taua moni a muri ake nei. (He kupu whakauru iho tenei naku no naianei.) Whakarongo mai e nga Iwi: — E hara taku whakae atu i raua moni Penihana ate Kawanatanga i homai nei e te Karimana ki a au, i te mea he hiahia atu noku ki taua moni. Ko te take i whakaae atu ai au. He hiahia noku kia tino matatau atu au kite ahua o te whakaaro o te Kawanatanga o Nui Tireni mo matou ko aku Iwi Maori i Aotearoa nei, mete Waipounamu. A inaianei, kua kua kite ahau, koia ka whakaaturia atu nei kia koutou e te Iwi, taku kupu whakamutunga motaua moni Penehana, a te Kawanatanga. Ko taua moni Penihana a te Kawanatanga, e £56 6, kua whakahokia atu e au i to 25 o nga ra o Mei, o te tau nei ano. Ko te moni i whakahokia ai e au taua moni Penihana ate Kawanatanga, e £SB pauna. A kua tae tena moni kite Kawanatanga i naianei. Heoi ano aku kupu. Te.lwi tena koutou katoa. NA KINGI TAWHIAO. Whare o Te Kingi, Maungakawa, Hurae 25, 1893.
Permanent link to this item
https://paperspast.natlib.govt.nz/newspapers/PAKIOM18930725.2.11
Bibliographic details
Paki o Matariki, Issue 9, 25 July 1893, Page 7
Word Count
446TE WHAKAHOKINGA A TAWHIAO I TE MONI PENIHANA A TE KAWANATANGA. Paki o Matariki, Issue 9, 25 July 1893, Page 7
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in