Thank you for correcting the text in this article. Your corrections improve Papers Past searches for everyone. See the latest corrections.

This article contains searchable text which was automatically generated and may contain errors. Join the community and correct any errors you spot to help us improve Papers Past.

Article image
Article image
Article image
Article image
Article image
Article image

TE KATIPA.

Waiho iho hei korero ma matou ko te matenga o Te Katipa Te Awarahi, i mate ki Marairohia, i Waiuku, i te 25 o nga ra o Maehe. Tenei nga korero mo taua kauinatua kua mate nei, he mea tuhituhi mai na tetahi : Ko Te Hemara Te Katipa Te Awarahi, he rangatira no Ngatiteata. He uri hoki ratou no Tapaue raua ko Teatairehia. He tangata mohio ia kite whakahaere tikanga, a i manaakitia nuitia e tona iwi. Ki nga mahi o mua, i te taitamarikitanga o Te Katipa, he toa ia, a, i nga ra o Te Pakeha kua tae mai ki tenei whenua, he hoa tiaki ia no ratou ; ki tana, ko ia ano te kai tiaki o tera taone o Waiuku. No te Hahi o Ingarani a Te Katipa ; a, i puta uui ano tana hiahia ki tetahi Kura mo tona kainga. A, i te mea kua tata kite mate, kua oti ano eia te karanga tetahi pihi whenua hei turanga Kura. He tangata ahuwhenua a Te Katipa kite mahi. Koia ano kei ta te whakatauki, " kihai i taka te parapara o tona tupuna, o Tapaue, tuku iho ki a ia." " Nona hoki te ringa tango taru." E kore ia e noho mangere. Kahore ia i ngakau ki nga mahi o mua, penei tonu hoki tana kupu, " E hara i te toa taua, he toa pahekc, tena ko te toa ngaki kai, he toa e kore e paheke." I manaaki tana ngakau Id nga mohiotanga o te Pakeha, a kihai hoki ia i uru ki nga tini mea e whakararuraru nei i te Maori, ina te pepeha, "nona hoki

te urunga kihai i whakaarahia e hau kino." Te take o tona mate i hemo ai, i whara kino ia i te rakau, i te mea e hoe mai ana i tana waka pai, i Te Toki-o-Tapiri, i Te Awaroa. He weki nona ki tana waka kei pakaru i te rakau e tauwharewhare mai ana, ka haere ia kite pei mai, na ka rokohanga te akinga o te waka kite rakau, ka whara tona uma.

Permanent link to this item
Hononga pūmau ki tēnei tūemi

https://paperspast.natlib.govt.nz/newspapers/MMTKM18610415.2.5

Bibliographic details
Ngā taipitopito pukapuka

Maori Messenger : Te Karere Maori, Volume I, Issue 3, 15 April 1861, Page 4

Word count
Tapeke kupu
348

TE KATIPA. Maori Messenger : Te Karere Maori, Volume I, Issue 3, 15 April 1861, Page 4

TE KATIPA. Maori Messenger : Te Karere Maori, Volume I, Issue 3, 15 April 1861, Page 4

Help

Log in or create a Papers Past website account

Use your Papers Past website account to correct newspaper text.

By creating and using this account you agree to our terms of use.

Log in with RealMe®

If you’ve used a RealMe login somewhere else, you can use it here too. If you don’t already have a username and password, just click Log in and you can choose to create one.


Log in again to continue your work

Your session has expired.

Log in again with RealMe®


Alert