Untitled

Maori Messenger : Te Karere Maori, Volume 2, Issue 1, 2 January 1843, Page 2

E mara ma, he aha koia te tikanga mo nga tangata hohoko mea o nga pakeha? E mea ana matou, me utu. Ko te mea tenei e kino haere ai te ingoa o nga tangata maori ki to te pakeha aroaro, he wareware kite wakaea i nga mea kua riro i a ia. Na, ka tohe te tangata ki te tahi mea o te pakeha, he kakahu ra nei, he aha ra nei, uia ana e ia te ritenga o te utu, wakaaetia ana e te pakeha, e mea ana kia utua mai a tetahi ra atu. Na, ka hoki ra te tangata ki tona kainga me tona mea, a, hari pu ana tona ngakau, mo te mea, kua riro mai i a ia te mea i pirangi ai ia. Heoi ra ka rite te ra i mea ai ia ka utua ai taua mea ki te pakeha, otiia, kahore he wakaaro o tona ngakau ki tena; a ka mea ano pea, kia wiua atu tona

poaka ki te hoko, a ka rokoanga e te pakeha i ho atu ai taua mea kahore ano i ea noa, a, ka wakamaharatia e ia taua mea nei, a ka tohe hoki kia wawe ai te rite. Na, ka mea atu te tangata ki a ia, E mara he moni kore ra te utua ai e au tou mea, a, ka mea te pakeha, tena ra tou poaka, he aha koia te utu ai ki tena ? Ko reia pea ki atu ai te tangata, ka mea teka atu kite pakeha " ehara i ahau tenei poaka, he tangata ke ra nona te poaka, e kore e ahei i ahau te ho atu i te poaka hei utu mo tou mea." A na, ka mea matou, e hara tenei i te mahi tika, ka he tenei ki to te Atua aroaro, ki to te tangata ano hoki, ka rua hoki nga mea he, ko te wakawareware te tahi, ako te korero teka te tahi. Na ko te tuatahi e rite ana kite tino tahae, ko te tuarua hoki e pena .ana mete hara i mate ai a Ananaia raua ko Hapaira. E mara ma, e pehea ana oti koutou kite tangata e peuei ana ? e mea ana ra nei koutou, he tika ia ? kahore ra pea, he mahi he tenei ekore hoki e noho tahi te wakaaro tika me tenei he i roto i tona ngakau me te maramatanga ano ekore e noho tahi mete pouritanga. Na, kia rongo mai koutou ki to te pakeha ture mo tenei mahi. Kite mea, ka penei te tahi pakeha kite tahi, ara, ka tango noa, a- ekore e utu i te ra i wakaritea nei, ka arahina taua pakeha wareware, taua pakeha tahae kite aroaro o te Kai "Wakawa wakawakia ai, a—kitea noatia te tino rironga i a ia te mea ikorerotia, mete pahuretanga o nga ra i wakaritea ai, a- ka tino kitea te ritenga o tana

mahi, ka tuhituhia te tahi pukapuka ka tonoa te tahi katipa ki tona whare mo nga mea o reira, ki tona mara ranei mo tona witi, kau, poaka, hoiho, aha ra nei, a ki tona kainga pea mo tona whenua kia riro hei wakaritenga mo taua mea i tangohia noatia ai e ia, a utua noatia, ka rite. Na, kite mea kahore he rawa ote tangata nei, ka maka ia ki roto kite ware herehere, hei reira ia noho ai, a- rite noa taua mea i riro he ai i a ia. No konei rate pakeha, ka mataku ai ki tena mahi, a ko te tangata wai wakaaro ka makatu hoki kite Atua, ta te mea, e kino ana hoki kia ia. Heoi/ e te wanau, e pehea ana koutou ki tenei?—E kore koutou e wakama e te hunga tango noa i nga mea o te pakeha a e kore e wakaaro kite utu ? E kore koutou e wakama ? rapua ra, kia wakaritea e koutou nga mea riro noa mai. Me reira ka rangatira haere, ka tika haere ra hoki koutou. Ako nga tangata kahore ano i pena, kia tupato:—-ka tango koutou i nga mea o te pakeha hei reira pu ano utua ai taua mea, penei tonu, kahore he he e aru nei i muri i a koutou.