Untitled

Maori Messenger : Te Karere Maori, Volume 1, Issue 12, 1 November 1842, Page 45

I te Nuipepa o Okotopa i timata te Kai Tuhi i tana kupu wakaako i nga Rangatira me nga tangata maori e ahua taurekareka ana kia tango ai ratou i to te rangatira ritenga kia wai rawa ai ratou, kua takoto hoki nga mea e toru, e kore ai e hua a koutou mahi, ko te mangere, ko te rukeruke, ko te whakai, kua poto te meatuatahi te korero, ara ko te mangere tena ko te mutunga mai kahore ano i korerotia koia ahau ka wakaaro ai mana hoki tana kupu e wakaoti, kia hoki mai iai raro, me waiho tenei Nuipepa bei taki i nga mea ke ; na, me wakapuaki atu pea i taku wakaaro mo te tangata e ngaki ana i te wenua, kia kaua ai koutou e ngaki i te riwai, i te kaanga i te tini noa iho o nga kai maori anake ahakoa e pai ana ano te riwai me nga kai maori, ko te tino mea pai he witi, wakaaroa hoki ki te maha o nga pauna moni e ho atu ana i te tau kotahi ki Tawahi, hei hoko paraoa, kai ma tatou, a kite penei tonu, ka tino rawa kore ai te wenua —tena kite ngaki te tangata

Maori i te witi mana, katahi ka rnahue etahi o nga moni e ho atu ana ki Tawahi, ka riro mai i te kai mahi. Otira ka ki mai pea te tangata, " Ekore matou e mohio kite ngaki i te kai a te Pakeha," —Na, ki taku ka matau ranei ina wai ngakau koutou ki tenei mahi, ahakoa ekore e pai te keri maori me parau, na ka rongo te tangata i tenei, ka mea mai pea, kei hea ra he parau? Koia tenei, me hoko;—na wakaronga mai ki taku wakaaro i te ritenga e ahei ai koutou te mea i tenei, ka titiro pea te rangatira i tetabi wahi wenua ona, e takoto kau ana, ka mea, kia hokoa atu ki a te Kuini, ka tuhi atu kite kai hoko, ka rite, kaua iaetohe atu kite paraikete kite aha noa iho ranei o nga mea pakaru hei utu, engari me wakarite i te okiha, te hoiho ranei i te parau, i te mea tahoro, mo nga oneone kia ngawari mo nga rohe ki riro ake ai ki runga,—me tetahi wahi moni hoki, na ka riro mai enei mea, hoki atu te tangata ki tona kainga, ka ngarengare i tona nuinga kia taiepatia

tetahi mara nui, a-ka oti, me wakarite i tetahi wahi o nga moni he pakeha kai mahi kia haere mai hei wakaako j te tangata maori kia mohio ai ia kite parau aka oti katoa te mara te parauj kua painga oneone, katahi ka hoko atu i te toenga iho o nga moni i tetahi witi hei purapura kia ruia e te pakeha—-heoi, ka mutji waiho kia. tupu ake ana 4 hei te mireietanga kajiuihui ai kite kokoti, a ka poto te kokoti ka whawhao ki roto kite whare, patu ai, kia ngahoro nga tapeKa kia pai ai nga kai, katahi ka hokona e te pakeha, a ka wai rawa koutou > —kei ki mai, ekore e pai, kahore he htiri, kahore, me i penei koutou, a ka kite nga pakeha i a koutou e rui ana i te witi ekore e taro kua tu te mira, otira ekore au e mea kia wakarerea katoatia nga kai maori te ngaki, kao, me ngaki tahi ano ta te mea, r ahakoa he mara nui wakaharahara ekore e roa ka oti, i nga okiha i nga hoiho ranei, i hokoa e koutou koia au ka mea ai, me tango i tenei ritenga rangatira mo koutou. Koia rate Kuini i tana atawai i wakanoho ai i nga pakeha ki to koutou •wenua, kia wakamutua e koutou to mua ritenga, ina kite koutou te tikanga pai o on a tangata, —he maha hoki nga ritenga pakeha tena ko etaliiekino ana; koia ra tenei i tuhituhia nei, kia ngarengare i nga tangata kite tango i aua ritenga e pai ana, kia riria hoki ratou e tango ana i aua mea e he ana, koia ra tenei Nuipepae tohe tonu ai kia kati nga. tangata maori te rongo ki ta nga pakeha kino ritenga, kia wakatupato hoki koutou kei rite te ahua ki ta tatou.