NGA RETA TAE MAI.

Matuhi, Volume III, Issue 126, 16 April 1906, Page 3

NGA RETA TAE MAI.

HE MIHI MO HETA HARAWIRA.

He mihi, he tangi. He mihi ki toku papa kia Heta Harawira, kua whai atu nei ia i tona tuakana ia Tamaiwaho, haere e koro ki o matua kia Ngatuere, nana koe i tiaki i whakatnoe hoki ki to tuahine. Na te mate korua i wehe, te kahu o te iti o te rahi kai. te pai, kore noa atu au e tae atu

i tou nehunga kua kite ahau ia koe; kua tangi kua whai kupu atu hok 1 ahau kia koe i runga i toku mohio kaore au e kite ia koe, ko tenei e koro haere, haere ki ou tuakana, heoi he tangi mo korua ko to mokopuna ko Arihia W. H. Manihera. E Ngaro e, he aha nohou te ata ope ai kia rua nga kura, kia mau ngatahi ka mau te kura i te keke, ka paheno te kura i te pakihau i. E Ngaro e, mo te ara i whea mo Waiotuheke, ranei, mo Toko, mo Whare-e-kaikapo, mo te Roroinanga ranei, e hika mo te kai-a-tanga i te rua a Te Ao Matarahi ka wahia te upokooto tipuna koia te Hanpatanga ai. Karanga pa noa nga taukati ka takoto ki roto te motu o Toki kai to iramutu kai a te Hukakore i te wa i mua ra, e riterite aria, ka tu te Roupoko, na Rongokauwai na te Waiopotango, na Tamahoukura na Rakaihakeke, ka mate i pururuvvetea ko Urekotia,e, ko Rakairauwiri kia nui te inanga me to koau kai takutai. Heoi, Reneti tena koe me to tungane. Ngatuere tena koutou ko oku tuahine taina, kia ora i roto i te pouri ki to koutou matua, kua pai kua mutu te mamae i a ia, heoi. Te Apebahama T. Anaru. Kaihoata. Maehe 30 1906.