PITOPITO KORERO.

Matuhi, Volume III, Issue 125, 21 March 1906, Page 4

PITOPITO KORERO.

Kua titnata ano te mate Mooropaka kei Hopata, Tahimenia.

I mau tetahi mango tekau ma rua putu te roa i te wahapu o VYhakatu.-

E wha tekau ma tahi mano nga hipi i tukua atu i te teihana o Mahitaone nei i roto i nga wiki e wha.

Kotahi mano e iwa rau nga tangata i mate i roto i te porowini o Wikitoria (Ahitereiria), he mate kohi.

Kua riro te Pirimia kei te motu o Wharekauri, na nga tangata o reira i tono mai kia haere atu ki reira.

I kitea tetahi mango i te wahapu o "Whakatu, kite whakaaro a nga tangata i kite 12 putu te roa.

Kua riro nga tangata o Wairarapa ki Te Hauke, kite whakarite ite powhiri a te Whatuiapiti kia tae atu ki te hui mo Kahuranaki.

Ki te panui a nga Nupepa kua kitea tetahi whare Maori i ro ngahere, kei te takiwa ki Waitoruor ■ E kiia ana no te Rauparaha taua whare. I hangaia e ia hei whakataanga manawa mona i nga wa ote riri. Kei te pai tonu taua whare, kite whakaaro ake ka 90 nga tau.

I mau i Dga Maori o Akura tetahi tuna i roto i te awa o Waipoua e toru tekau pauna te taumaha.

E rua mano nga tangata mahi ko-

ura o Perekamu kua wlnskarerc i ta ratou mahi, he hiahia' kia neke ake te utu mo ratou.

I hokona tetahi whenua i te Pahiatua, kotahi rau nga eka, ko te utu tekau ma wha mano pauna (£14,000), ka kino tail haere e te keha.

Tokorima nga tamariki Maori o te Kareti o te Ahikiore i whakapakia e te Pihopa o Poneke, i roto i te whare karakia o Mahitaone nei.

I te purei paihikara mo te Mano o Poihakena, i uru ai nga toa o ia iwi o ia iwi o te ao, i riro te wiini ia Anaha o Xiu Tireni nei, i tuarua ia Rata o Tiamani, e 75 nga iaari o Anaha ki mua, e 35,000 nga tangata matakitaki.

E toru nga Pakeha, kotahi te Maori i haere kite kimi i Hapuakorari, a kaore i kitea e ratou. Tekau o ratou ra ki ruma maunga ka hoki iho, na te nui o te kohu ta ratou haere i takakino ki ta ratou korero mehemea i kore te kohu, a he tika he roto he kainga ranei tera e kore e hapa to kitea e ratou.

Ipuhiae tetahi wahine tetahi Pakeha tereina hoiho i Pamutana. I te purei toi i Poneke e toru nga hoiho i eketia e taua Pakeha, i wiini. ko te take o taua kohuru he puhaehae no taua wahine, i pirangi ia maana tonu te taane, no te rongonga tera e marena tona iramutu ki taua tangata puhia ana e ia mate rawa katahi ka tahuri ki a ia kohuru ai, i hemo atu ia ki te rTo'^r^ra.

Kei te tino kino atu te ua ite takiwa o Wairarapa nei i enei ra.

I runga i te matenga o nga taewa a nga Maori o.Opunake mete Hawera, kua tahuri nga Maori ki nga main rori mahi ai hei oranga mo ratou.

Kua mutu tetahi o nga kai mahi o ta tatau manu o Te Matuhj, kei nga ra timatanga o Aperira ia me tona hoa wahine ka haere ki Porang&hau.