THE MATUHI PRESS. Wenerei, Maehe 14th 1906, TE AHUA ME TE ORA O TE TANGATA.

Matuhi, Volume III, Issue 124, 14 March 1906, Page 3

THE MATUHI PRESS. Wenerei, Maehe 14th 1906, TE AHUA ME TE ORA OTE TANGATA.

[Ko te waahi tuarua o te pukapuka a Takuta Pomare, he mea tango mai i "Te Puke."] Ko te tinana e rite ana kite whare, he wahie he pereki he kohatu he aha atu hoki, ko te tangata e pera ana hoki, he niho he iwi he kiko me etahi mea atu hoki. Kaati ko te mahi nui a te iwi tera (cells) he whakahou i nga waahi e pakarukaru ana o te whare nei, he whakatipu hoki kia tipu kia nui

E ono nga ahua kiko o te tangata. 1 Kiko paihcre (Connective Tissue.) 2 Kiko momona (Adipose Tissue.) 3 Kiko iwi (Osseous Tissue.) 4 Kiko uaua (Cartilage.) 5 Kiko (Muscle.) 6 Uaua-hari whakaaro (Nerves.) Kaati he mea tapu, whakaharahara rawa atu te tinana tangata, a, e tika ana kia mohio tatau ki tona ahua i te takiwa e ora ana, a, i te takiwa e mate ana, ka mohio tatau ka whakamutu i nga mea e hua mai ana te mate i roto, a, ka maiii i nga mea e ora roa ai te tinana. E kiia ana he iwi kore whanau te Maori. E tika ana tenei, i enei rangi ki etahi wahine. engari kaore e tika mo nga rangi o nehe, he iwi whanau te Maori i mua, ina hoki

i kapi te whenua. Ko etahi e ki ana ko te ngaro te Maori i te pukupa o nga wahine, ko au e kii ana e kore meheinea e ora ana nga tamariki Maori e whanau mai ana. Kua kitea e rua o nga tamariki Maori e mate ana i roto o nga mea wha e whanau ora mai ana i mua o te taenga kite wha o nga tau. Eaati meheinea kite nuku ake i te toru, a kite wha ranei nga mea e ora ka tipu haere te Maori. Na te nui o te matemate o nga tamariki i ngaro haere ai te Iwi Maori. Kaati ko te tikanga i tuhituhia ai tenei pukapuka, he whakaatu i te take i matemate ai te iwi kohnngahunga, a, i etahi raweke e oraora ai ratau. Kia orate hunga tamariki. Kei nga inatua tonu te take tuatahi i mate ai te tamaiti. Ka hapu ano te wahine, ka timata te tiaki i te tamaiti ara, me mutu nga uiahi fcaimaha kei koperuperatia te tamaiti i roto. Kia pai te noho ate whaea, kia mahana ia i nga takiwa katoa, kia nui he kai maana, a, kaua ia e kai i te ratna i te tupeka i nga kai pirau ranei. WHANAUTANGA. Ki te whanau te tamaiti ko te mea tuatahi hei mahi i muringa o te herenga i te pito, he horoi i nga konohi kite rongoa. Kei konei te timatanga o etahi mate konohi, e uru ana nga para ki roto i nga konohi, a, waiho tonu atu hei mate. Ko te mea tika me horoi nga konohi kite poratiki atiti (Boracic Acid) kia rua pakarukaru tino ma, me toutou ki roto i te rongoa ka horoi ai nga konohi, kia kotahi o nga pakarukaru mo te konohi. Ka mutu te horoi i nga konohi ka horoi hoki ite waha. Me horoi tonu nga konohi kite paratiki atiti tae atu kite rua wiki i muringa iho ote whanautanga. (Ka panuitia ano a muri atu.)