HE AITUA REREKE.

Matuhi, Volume III, Issue 123, 7 March 1906, Page 8

HE AITUA REREKE.

I haere tetahi tai tama ko Tiene Paite te ingoa, me ona hoa tokorua ki te kai waipiro. he nui te kaha o ta ratau kai waipiro, a, te mutunga o ta ratau kai, he aitua te mea i pa ki tetahi o ratau, ara, kia Tiene Paite. I taka ki roto i te awa, mate tonu atu ki te whakaaro a nga kai whakahaere o te ture. E rua nga ra i muri mai ka kitea te tinana o Paite, tanumia tonutia atu. Ko tenei tamaiti e ngakau nuitia ana e tona hakui. I muri iho i te nehunga ka moemoea te hakui o te tamaiti nei kaore tonu tona tamaiti i mate, engari i tanumia oratia Katahi ka haere te hakui nei ki nga kai tiaki o te urupa tonoai kiaehungia tona tamaiti, kaore nga kai tiaki o te urupa i whakaae, otira i te kaha o te tohe a te hakui nei ka whakaae nga kai tiaki ote urupa. Na ite ehuno-a lte tamaiti nei ka kitea e nga Rata kaore rawa he tohu mate o te tupapaku, katahi ka kiia e nga Rata me tiaki taua tupapaku, kite whakaaro o nga Rata kaore taua tamaiti i mate.