Te Pakanga A Te Whika 7.,

Matuhi, Volume III, Issue 122, 28 February 1906, Page 7

Te Pakanga ATe Whika 7.,

Ite Kawenata maori mete Kawenata pakeha tetahi tnea whakamiharo ma te tangata, kia mohio koutou kite kaupapa o "Te Ruun Tuawhitu 0 Ihowa," e kiia nei ko te Haahi o Niu Tireni, i putamai nei i te Kiingitanga o "Eruera te VII."

Ko tenei mana whakapono i puta mai i roto i te rangimarie, i' roto i te "Rohe 0 Pood Riri-kore," i muri i te hokinga mai o nga hoia ate Potangaroa i Ingarangi; ka whakamanaia te Kaunihera i muri mai, ka whakahaerea hoki tenei Haahi kite Kaunihera o Kongokako me tona Kai Tohutohu.

He mea tino pai kia huri inai o koutou whakaaro ki tenei 'Ruuri Tuawhitu" a te Atua-nui-o-te-rangi, i te taha ki o tatou tipuna maori, mete taha ki ie paipera, kia mohio koutou, ko te kaha o te Atua kei roto i n»a whitu katoa, i tika ai tenei Haahi mo Niu Tireni; te kai pupuri i to koutou mana i tikaai te kupu a te Potangaroa, kotahi waewae o te Atua kei Ingarangi e tu ana, kotahi kei Niu Tireni nei. Ki te oti tenei ia koutou te pupuri, kua hiki mai nga waewae tauarua ki runga i enei motu.

Heoi ka whakamarama au kia koutou i taua whika 7., E mohio ana koutou, ko te whanau a Rangi raua ko Papa e whitu-tekau-ngawhitu; whakahemo he taane anake. Kei te Paipera e korero ana, e whitu nga ra i roto i te wiki. E whitu nga kupu a Hinenuitepo i whakakoi ai i taana hoari hei patu ia Maui. E whitu nga kupu i tohia ai a Tumatauenga. E whitu nga tohu a Tangaroa mo te

riri. E whitu nga kupu a Taane ka kitea te ara kite Uha. E whitu tekau nga tamariki rangatira i te matenga i te whiri-purei a Ruatapu. E whitu nga ngaru i paia ai a Tawhitinui. E whitu nga toenga o nga taro a te Wahinematamorari, e toru i kapea e Tawhaki. E whitu nga waka i heke mai i Hawaiki. E whitu nga ingoa o nga moutere i heke haere mai ai te maori. 1. I te Honoiwairua. "_'. Tawhiti pamamao. 3. Tawhitiroa. 4. Tawhitinui. 5. Hawaiki. 6. Aotearoa. 7. Waipounamu. E muhio ana tatou kite hoko whitu kuri, mete hoko whitu tangata; i waiho ai hei hoa riri mo koutou. E whitu nga whetu ingoa nui a te maori naana ratou i arahi mai. E whitu nga tangata o roto i te whare o Tangaroa, ia Huakipouri hoko whitu Ngai-Tumapuhia he ruturae katoa; no nga Hurai tenei hoko whitu ana atu te nuinga o tenei whika whitu kite taha kite iwi maori. No te Karaipiture pakeha koia tenei ona whitu: E whitu nga reta o roto i te ingoa o Ihowa (JEHOVAH). E whitu kau momona e whitu kau tokoroa. E whitu tau kai e whitu tau kore kai. E whitu puku witi whai kai e whitu nga mea kiko kore. Ko Hakopa e whitu tau e mahi ana mo Rahera, e whitu tau mo Rea, ko Rapana ko tona hungawai, e whitu nga ra i whai ai ia Hakopa. I te matenga o Hakopa e whitu nga ra e tangi ana a Hohepa. I te tangohanga i Heriko e whitu nga pirihi me nga putorino e 7; katahi ka rannatia te pa, e whitu nga

whakatangihanga i nga putorino, ka hinga te pa ki raro: E 7 nga waahi i whakawhitia ai te Kawenata tahito ki roto i te Kariki, tuo te whare pukapuka a Arekehanara: la Pita i ui atu ai kia te Karaiti, kia whia aku murunga i nga hara o toku teina kia 7, ka mea ia kaore engari kia 70 7: E ki ana i nga Whakatauki: Ahakoa e 7 hinganga o te tangata tika ka ara ano ia: Ko te kohatu i whakatakotoria e ahau kite aroaro o Hohua e 7 nga kanohi; ka kite i te kohatu paramu i te ringa o te rupapere, enei e 7 "ko nga kanohi o Ihowa: E 7 nga wehewehenga i roto i te inoi a Ihowa: E 7 ngahakarameta a te Haahi Eatorika: E 7 nga tuunga o te whao kite tinana o te Karaiti i runga i te ripeka. E 7 nga Anahera kei a ratou nga whiu whakamutunga e 7. E 7 nga ahua kara o te Kopere. E 7 nga ahua o nga kohatu utu nui. E 7 nga vvhetu e rauna ana ia Matariki. E 7 nga pikitanga kite toroona o Horomona. E 7 nga pikitanga kite kohatu ote Urupi o Tariuha. E 7 nga puare kei te mahunga o te tangata. Taiawhio Te Tau, Tuhirangi. Masterton.