PITOPITO KORERO.

Matuhi, Volume III, Issue 122, 28 February 1906, Page 6

PITOPITO KORERO.

Ko nga taewa a nga Maori o Waikato, kua mate katoa i te ngarara. Ki te whakaaro ake tera e pa he aitua ki aua hapu a te hotoke e heke mai nei.

Ko te whenua nui atu te Kapia o Niu Tireni, ko Te Koutu, e tata ana ki Hokianga. Ko te nui o taua whenua, e 200 nga eka. -Ko nga mom e puta mai ana i te wiki e £SO pauna.

Kei te hokona e te Kawanatanga tetahi whenua, ko te Whakaihuwaka te ingoa, e rima tekau ma ono mano nga eka, e tata ana ki Pipiriki. E rua mano nga eka tera e rahuitia mo nga Maori.

I mea a Te Taute, Timuaki o nga Kai-whakawa i Whanganui, mo te kai a te Maori i te waipiro, "E tika ana kia tau te he ki nga Pakeha e hoatu nei ite waipiro ki nga Maori. Mehemea kite waiho tonu tenei tikanga hei mahi ka kite tatau ka ngaro te iwi Maori."

Kei te 8 o nga ra o Maehe ka tu tetahi ngahau nui ki Mahitaone nci. Ko te take o tana ngahau he kohi raoni mo tetahi Hohipera tera e inahia.

Ko te tokomaha onga tangata kei raro ite mana o Ingarangi, e toru rau e iwa tekau ma wha miriona, e rima rau e rima tekau ma toru ma no, e rima rau e waru tekau ma tahi (394,553.581).