HE PANUI UNU.

Matuhi, Volume III, Issue 118, 31 January 1906, Page 7

HE PANUI UNU.

Ki te Etita o Te Matuhi.— Kia ora koutou ko tamariki mete komiti ote Matuhi; « Tukua atu enei kupu ruarua aku e mau ake nei i raro, heipikaunga ma te manu reo pai, hei titiro iho ma nga morehu o nga marae o runga i nga motu o Niu Tireni, ara, o Aotearoa mete Waipounamu, tae atu ki Wharekauri.— E hoa ma tena ra koutou, mete aroha ote hunga kua moe i roto ite Ariki. Kia ora i roto i te tau hou o to tatou Ariki o lhu Karaiti koia nei te kai whakatakoto i te kupu ote aroha kite ao katoa, mete tatau arai i nga taumahatanga ki runga ki o tatou tinana, me o tatou wairua, kaati ko tatou ko te iwi maori, ki taku titiro kei runga i te kupu nei i te aroha e tu ana, e whakarite ana i ona tikanga katoa o taua kupu. Heoi e nga iwi kia ute ngakau i roto i te aroha noa o te Ariki. E taku tuakana taina e Kiingi Ngatuere, tenei kua tae mai tau tono kia au kia uuuhia e au nga kupu o te reta a te Uamairangi i tukua e auki te Matuhi No 96, wharangi 7 mete 8 mo tetahi wahine ko Haromi, i kiia

naana i inakutu a Arapata Meha, heoi he kupu atu tenei naku. E taku hoa f e whakapai ana ahau mo tau tono, me nga kupu whakamarama, ie e whakaae ana ahau kite unu i taua panui me ona kupu katoa, kaati e taku hoa me nga kai korero o te pepa me aata whakamarama ake ano au i te take i pa mai ai taua raruraru kite iwi. He mea ata whakariterite na nga morehu me au hoki ko Mohi ko te Uamairangi ko Puhara, hei ata tirotiro i nga tikanga mo taua korero inakutu, mo Harorni ara, me ata karanga mane he huihuiuga mo te Kaunihera o Tamatea mete Kaunihera o Rongokako me nga kaumatua taane wahine, me nga mata-kite mete iwi nui tonu, hei ata tirotiro i taua raruraru, heoi ko nga kupu tenei i oti i au i Waipawa, heoi i muri ia au ka tu te whakawa a te haahi Mirimiri (Apotoro) i taua w* ka tonoa a te Wereta kia haere ki Patea kite ui jria te Hau (kite tohunga nana i ako kia Harorni nga karakia makutu,) heoi i taua wa, kaore ahau e mohio pehea te taunga o a ratou mahi no te taenga mai nei o tau tono, kia au me au whakamarama na koutou i whakahaere, i whakariterite taua raruraru kia ata tukua ki raro (i to koutou taenga kite mihi mo te hunga mate) ara kia tino whakamutua rawatia nga whakaaro whakapae a te ngakau mo runga i taua take, kia kaua hei ara ake ano a muri ake nei. Katahi ano ka mohiotia te taunga o taua raruraru. Kaati ki taku whakaaro kua kore tikanga noaiho taua panuitanga aku i te reta a te Uamairangi, kua oti ia koutou te whakatau, heoi ano te tikanga panuitia kia kite, kia mohio nga morehu katoa i te whakatatutanga o taua raruraru. 1 te wa i o tatou tipuna kaore e tukua ana kia mataotao nga whakariterite mo enei

tu mahi penei ana i te ture a te pakeha, kaati ia tatou e whai nei i te ture kaore e taea, inahoki ra he ngaki piwai tenei ahua mahi.—E nga morehu .o Tamatea, me mutu te korero te whakahua noa ranei, i te kupu nei ia "Makutu" me waiho tatou i runga i te Kura-takai-puni, me mate tatou ki roto i nga kupu o te whakapono i takaia ai o tatou tipuna me o tatou matua. Heoi ko te take i kore ai au e tae atu i kona hoki au e inihi ana ki o tatou whanaunga mate nga mea ora tae atu kite Rawhiti. Mehemea ano i mohiotia koia nei tetahi take tena ano ahau e tae ki taua huihuinga, otira hei aha i te mea kua oti pai taua take, e koa ana te ngakau. E taku tuahine e Haromi e nui ana te hari o toku ngakau mo tau tukunga i tena raruraru ki raro i te iwi i te whakaaro rangimarie mete aroha. Heoi nga kupu e taku tuakana taina e Ngatuere kia ora i roto i te Ariki. Hori Te Huki. Taueru. Hanuere 29 1906.