RIPOATA.

Matuhi, Volume III, Issue 117, 24 January 1906, Page 5

RIPOATA.

- 7 ... Waiotapu House, Mahitaone, Hune 16 1902. Kia Tamahau Mahupuku : Kai-tohutohu o te Kaunihera o Hongokako; me nga mema mete tiamana kia ora i raro i nga manaakitanga maha a Ihowa.

Tenei te inoi atn nei i riinga i te ngakau rangi marie mete whakaaro

pai, kia aata whiriwhiria mai'e koe me tou Kaunihera tenei Ripoata, e whai ake nei:—

Mo te whakapono mo te iwi maori o Aotearoa mete Waipounamu, no te mea kua maha nga tau inaianei e whai haere ana te iwi maori ki nga whakapono katoa, a kaore e riro motuhake mai te mana me ona tikanga katoa, ki te iwi maori, heoi i runga i te whakaaro nui, mete kaha kite rapu i nga Karaipiture; ka whakaputaia mai te-' tahi maramatanga o te Karaipiture, he putanga mai no te kaha o te rungarawa no reira ka whakaarotia kia inoi atu kia koe me tou Kaunihera Tapu. Kia homai he mana mo nga tikanga e whakahaerea ana, kia whakaotia en'ei tikanga e whai ake nei:—

1. Te Ingoa o tenei whakapono me hua "Ko Te Haahi" 0 Te "Ruuri tuawhitu 0 Ihowa," kei konei ka kiia ko te "Haahi Maori o (Maori Land)," o Aotearoa mete Waipounamu, me ona motu ririki i raro i te mana o Kiingi Eruera.

2. "Minita." Tona tikanga ko te Minita mo te taha maori, ka kiia i konei ko te tumuaki o te whakapono o te iwi maori, i raro i te mana o Kiinoi Eruera.

3. "Kai-tohutohu." Tona tikanga ko te Kai-tohutohu o te Kaunihera o Rongokako, ka kiia ko te Kai-tohutohu mo tenei whakapono.

4. "Ko te Kaunihera Maori." Tona tikanga ko te tekau ma rua o Rongokako, i whakaturia i runga i te rangi marie, ka kiia ko nga Apotoro i whakaritea e te Popa hei hiiri i nga ture e whakamahia ana mo te Haahi. 5. "Ko te Kai-arahi." Tona tikanga ko te Kai-arahi o nga kaumatua i whakaturia hei patutangamo nga Haahi e VII, ka kiia ko te Kai-arahi pono

6. Ko nga minita karakia ma te Kaunihera mete kai tolmtohu e whakatu, i runga i te ripoata a te Kai--arahi pono *. mea ana, koia tera aua minita, kei reira ka whakamanaia e te Popa.

7. Ma te komiti i whakaturia hei .whakahaere i nga tikanga o te Haahi, e hanga ara, e whakatakoto mai ta ratou ripoata mo nga painga katoa mo te Haahi i raro i enei tikanga e whai ake nei: — .

(L) Ko te iriiri. (2) Ko nga mare n a./ (3) Ko nga whare karakia. (4) Ko nga kura ratapu ite reo maori mete reo pakeha. (5) Ko - nga kohi kohi e tipu ai te Haahi. Ko nga tohu e whakaritea ana e te Haahi hei pupuri i te mana whakaora i waiho iho nei e te Karaiti.

(7) Ko nga pukapuka karakia me etahi atu painga mo te Haahi. ($) Ko Kiingi Eruera Te VII.

Ka kiia i konei, ko tenei whakapono i whakamanaia i roto i tona Kiingitanga, ka huaia i konei ko te kawhenata tuatoru a nga kupu a te Atua, heoi ano.

Taiawhio Te Tau. Kai tautoko o tenei take nui.