THE MATUHI PRESS. Wenerei, Hanuere 17, 1906. HE WHAKAUTU.

Matuhi, Volume III, Issue 116, 17 January 1906, Page 2

THE MATUHI PRESS. Wenerei, Hanuere 17, 1906. HE WHAKAUTU.

0 HE WHAKAUTU I TE PATAI A TE PEINA WAHARAU, E MAU NEI I "TE PUKE KI HIKURANGI" No 26, 0 TE TAU 6 WHARANGI 6.

(KI TE ETITA O "TE MATUHI.")

Tena koutou ko a taua tamariki, kia ora i roto i te tau hou.

Meri Kirihimete, mete Hapi Nuia. Panuitia atu aku kupu ruarua e whai ake nei, hei whakautu inaku mo te patai.

Na e hoa e te Peina Waharau, ko wai te whare o te Wananga i Taiapotia mai kite ao marama nei ? I mauria mai i hea ? Koia nei to patai. Na hoa, ki taku ko Tanenuiarangi, nana i tiki te Wananga. E toru nga kete o te Wananga, a, me nga Whatukura e rua. Ko te whare i tikina ai e Tane nga kete e 3 o te Wananga me nga Whatukura e rua, ko Rangiatea. Ko tenei whare he whare Atua; —

No lomatuatekore „ Ruatapu „ Aitupawa

Na nga tini o reira, e noho mai na i roto ito ratau whare i Rangiatea, i to ratau pa i Te Rauroha-o-tikitiki-o-ra-ngi, ka mauria iho e Tane kite tuahu o te Ahurewa o roto o Eangiatea. Ka homai e toru nga kete, ko te kete Ururangi-matua, ko te kete Uru-uru-tipuna, ko te kete Uru-uru-tahito, koia tenei aua kete e 3. Na ko te kete Uruuru-tahito he kete tenei no nga karakia katoa i taoa ai te karanga nga Whatukura me nga Mareikura. Ko

nga ingoa tenei o enei kete i runga ake nei.

Na ehoa e Peina Waharau, kaati nei taku whakautu mo enei o patai. Na ko te whare i inauria iho ai e Tanenuiarangi nga kete o te Wananga e 3 me nga Whatukura e rua i Tikitikiorangi i whaongia ai ki roto iri ai. Ko Wharekura, ko nga rakau o tenei whare he mea tiki kia Rangiatamaku man mai ai nga rakau katoa te tahu, nga pou, nga heke, he mea whakairo katoa nga rakau o tenei whare. Ko tenei whare itu ki runga ia Papatuanuku. Kaati mo tenei patai a-hau. Na ko te Uruurutipuna, ko re kete tenei o nga pakanga katoa, o nga kino katoa e kiiia ana he kino.

Na ko te kete Uruurumatua, tenei kete ko te kete o te aroha, o te pai, o te mahaki, o te rangimarie, o te maungarongo. Ko nga ingoa tenei o nga taonga o roto i nga kete o te Wananga e 3 i runga ake nei.

Na ko nga rangi ngahuru marua ia ratau e tu iho nei, koia tenei aua rangi, me tiki e au ki runga whakaheke ihoai te whakapapa;— 1. Tikitikiorangi 2. Tikitikiomatangiorangi 3. Ranginaonaoariki 4. Rangitewawana 5. Rangi-nui ka tika 6. Rangimataura 7. Rangitaurunui 8. Rangimatawai 9. Rangitumaifekuira 10. Rangi-para-uriuri 11. Rangi Tamaku-nui 12. Ranginui-a-Tamaku : S Na koia tenei aua "Rangi ngahuru ma rua." Ia ratou e tu iho nei i tona tuunga, i tona tuunga; o ia rangi o ia rangi, me tona ingoa o ia rangi o ia rangi: m« o reira ropu ta-

ngata i tona ahua i tona ahua ano o ia rangi o ia rangi. Na mo to patai ko wai o te whanau a Rangi raua ko Papatuanuku naana i taki mai te ara tangata? Na i tahuri katoa te whanau a Rangi raua ko Papa kite kimi ite ara kite uha, aka kitea e ratau, i kitea e ratau kite Oneikurawaka katahi ka inahia e ratau kia rite kia ratau te ahua, na ka oti he wahine ko Hinehauone ka mora e Taane ka puta mai ko Hinetitama, ratou ko ona taina; inoea tonutia e Taane a Hinetitama, puta tonu mai ki walio ko : Hinerauwharansi riineawherangi Hineipurangi langihia Na e hoa e Peina Waharau, ko nga korero tenei a oku matua, kaore nga kautnatua 6 te Tai-Rawhitineiite ora tetahi,.kua mate katoa, he tamariki anake e ora nei, ko nga korero kei nga tangata o konei, he korero whakarongo ra waho anake i te Whare Wananga, engari koe ina o patai. Na, ko nga whakamaraoiatanga o enei putake katoa, anei ano ka nui, e kore e taea te tuhi atu, ahakoa to patai mo Ninivva, mo Tunuiarangi, mo te Whatahoro, ma nga tangata i patai mai nei koe e vvhakautu ra waho, ana ano kai nga tangata matau, ma ratou e whakautu o patai. Kaati nei o patai hei whakautu atu mahaku.

Na elioa e Peina Waharau, ko o patai katoa, kei te mohio katoa i a au; kei te mohio ranei koe ki katoa o patai e patai nei koe kaore ranei. Mm te mohio au kite Whare \Vanaitga 1 m ki runga i tenei motu, kotahi tonu kaore i rua nga Whare VVananga. Kaati ma nga tangata matau. ma te Whatahoro maa e whakautu.

Na e hoa kua rongo pea koe lie huihuinga kei Tamaki-nui-a-rua, i enei marama tata e tu mai nei, e hui ai nga matauranga me nga pu korero, ko te mea tika he kanohi he kanohi, he mangai he mangai. Kaati mehemea e he ana ia koe etahi o enei whakamarama, e koa ana te ngakau o te kai tuhi kia rongo i nga wahi i he.

Heoi kia ora, na to pononga iti rawa, i roto i nga whakahaere katoa i te ao turoa nei.—

Ropoama Meihana,