HUIHUINGA KI TAUERU.

Matuhi, Volume III, Issue 116, 17 January 1906, Page 5

HUIHUINGA KI TAUERU.

Taueru,

11th Hanuere 1906 Ko nga hapu enei i huihui kite marae i Taueru, (e tata ana ki Mahitaone.) Ko Te Hika-o-papauma, ko N* Te Ao, ko N'Tumapuhia, ko N'Tahu, me era atu hapu maha. I te wa i tu mai ai H P. Tunuiarangi, raua ko H. Te Rangitakaiwaho, me o raua tuaahine me a ratau tamariki mokopuna hoki, kite mihi ki nga morehu me nga mokopuna a Haana Hirini i mahue pa.ni ake nei ia raua ko taana tamaahine i runga i to raua matenga kite moana i Taupiri, Rangiwhakaoma. Heoi, i te mutunga o nga mihi mo aitua ka whakatakotoria e H. P Tunuiarangi etahi take. Ko aua take i whakatakotoria ano i te wa l huihui ai nga morehu ki Hioia, (e tata ana ki Mahitaone.) Koia enei aua take: — Tuatahi — Kia Rahuitia a kia tino Whakatapuarawatia mo ake tonu atu, te toka hiinga ika i Rangiwhakaoma, e • ii mohiotia ana te ingoa o taua toka ko "Taupiri." Heoi i runga i te whakamararaa a Tunuiarangi mo tenei take, (i runga ano i te tuku a Haami Po-

tangaroa me nga hapu kua kiia i runga ake) kia Rahuitia taua toka, i raro i te mana o "'Te Ture Rahui Whenua Purotu." Ahakoa kei te iwi Maori, kei te Pakeha, kei te Kawanatanga ranei, e whai mana ana a ia kite tuku Ripoata atu kite Kawanatanga, kia Rahuitia taua toka ki raro i "Te Ture Rahui Whenua Purotu." Heoi i tino whakaaetia e te Hika-o-papauma me era atu hapu kua whakahuatia i runga ake nei. Te kaupapa mete whakaupoko o tenei take, kei runga i nga kupu a Te Minita mo te taha maori.— (1) Kaua hei mouuiou taonga, ara kia whakainutua rawatia e te iwi Maori, te moumou noa i ana moni ki te waipiro. kite haere ki nga purei hoiho ranei, moumou noa atu ai ma te "Totara". kite purei kaari, me era atu mahi moumou noa i te taonsa nei l te moni.

(2) Kaua hei mangere, engari me tahurite Iwi Maori kite mahi i ana paku whenua, a kia tahuri ranei kite mahi. ki etahi atu tangata Pakeha, Maori ranei, kia whiwhi ai ia, tana whanau; ranei kite painga mete ora mo tona ake tinana, whanau ranei. I runga i te ahua o enei whakamar.ama, ka whakatakotoria e Tunuiarangi te raotini, kia kowhiria he komiti i roto i te iwi, o roto l te rohe potae o Rongokako, hei komiti tirotiro whiriwhiri i nga tikanga e kitea ana te taimaha ki runga kite Iwi Maori, a, kia hoatu nga rarangi e tika ana hei whakamarama i aua tikanga taimaha, me era atu tikanga e puta ai he painga ki ia tangata o te Iwi Maori, a hei komiti whakahaere hoki i ture o te marae o te Hui Topu o n§a Kaunihera Maori o nga motu nei, (Niu Tireni), ina tu ki Papawai Ke-

reitaone, Wairarapa, (i roto i te maramao Maeeh e heke iho nei, 19u6,) otira kei te Minita y rno nga mea Maori, te ra tuturu mo taua hui, i na tae mai ia ki Papawai, i te 24 o nga ra o te marama nei.

Heoi i tino whakaaetia tenei take, whakataua ana kia rua nga komiti, koia tenei nga ingoa o aua tangata. Te Komiti Kaumatua.

Ko H. P. Tunuiarangi,, Hori H. Te Huki,, Hoani H. Rangitakaiwaho,, Pou H. Manihera,, Ratima Ropiha,, Wiremn Hutana , Te Kahu Tutura,, Kohea Tahana,, Wiremu Whatakorari,, Tamaiwhakakitea,, Koroneho Arona,, Nireaha Tatnaki,, Man.)hi Wikiriwhi Tapapa, Kautahi ranei, hui katoa 12. Te Komiti Tamariki.

Ko Henare Te Ama Iraia Te Whaiti, Mahuki Tamihana, Taare Pouhiki, Te Haeata Te Apatu, Pahira Anaru, Tutohe A. Mikaera, Taiawhio Te Tau, Tioi Waaka, Pape Hanairo, Te Whitu M. Te Rangimauriora, Takana Te Rangimauriora, hui katoa 12

Heoi he kupu atu kia koutou kua tutohungia nei hei tu i enei tuunga komiti; me tae a tinana mai ki Papawai i te 22 o nga ra o te marama nei, ara, i mua atu o te 24, o te ra e tae mai ai a te Honore Timi Kara, me tuku mai ranei ki a au he whakamarama i te take i kore ai e tae mai,. otia kei te tino hiahia me tae a tinana mai koutou ki Papawai, i mua atu i te taenga mai o Timi.

Kia mohio ano ki tenei kupu whakamahara, powhiri, me tae katoa mai nga morehu o roto i te rohe potae o Rongokako, i runga i te whakaaro kotahi, rangimarie, i mua atu o te ra e tu ai te hui topu Kaunihera ki Pa

pawai, kaua hei turi, hei whakakeke, - , Haere mai!

Haere mai!! Haere mai ki to koutou marae, heoi ano kia ora nga more.hu i roto i te tau hou, na to koutou pononga iti i roto i nga mahi, Na:—

Te Wain oh u Te Huki, Etita o te Matuhi