KI TE ETITA O TE MATUHI.

Matuhi, Volume III, Issue 115, 13 December 1905, Page 10

KI TE ETITA O TE MATUHI.

Tukua atu nga kupu e mau nei i roto i te kawenata a Apirana T. Ngata, ko te ingoao taua kawenata, (Te Aute College Students Association), hei matakitaki ma nga iwi e rua o te motu nei, me nga whakatupuranga e heke mai nei i muri i enei whakatupuranga e noho nei inaianei, e hoa ma, ma koutou ano e titiro mehemea he pai ranei aua kupu he pewhea ranei; engari ki ta te whakaaro i kite iho ai ne pouri he taimaha ki runga ki enei takiwa, me nga iwi e noho nei i runga i aua takiwa o ia motu, kaati me ki penei ahau, kahore enei kupu e tau ki tenei takiwa ki Wairarapa me era atu takiwa. Otira me ahu ake aku kupu mo Wairarapa, ko Wairarapa e tu ma ana, kahore ano nga ringaringa o nga morehu o Wairarapa, kia paru i te toto,_ i muri mai ote whakaaetanga a nga kauuiatua kia whakarerea e ratou nga mahi kino tae noa mai ki tenei ra, ko nga kupu i oti i nga kaumatua; ko te rangimarie, kote ngakau mahaki ko te ngakau e hereherea ana ete maungarongo, i tenei ra kua waiho e te Kawanatanga ote Hetana hei kupu whakatauki mana ite hui itu ki Pitinipuihi, koia tenei tana kupu: Whakarongo e nga iwi e rua kua poke nga ringaringa o te motu i te toto, ko nga ringa o nga tangata o tenei waahi, kihai he toto i tuturu kite whenua heoi; no te hui ki Papawai ka puta ia te Hetana tenei kupu, ka waiho tenei waahi hei matamua mo aku tikanga, hei whakairinga mo nga mahi pai, heoi e nga iwi no konei te ngakau kuare i a au ka ohorere i taku kitenga iho i nga kupu e mau nei i te kawenata a Apirana, ka penei ahau ko ta te Hetana pea i he-

H. P. Tunuiarangi