Untitled

Matuhi, Volume III, Issue 114, 29 November 1905, Page 9

Rotorua-nui-a-kahu Noema27 1906. Ki nga hoa aroha:— 0 roto i te rohe pooti mema o te Tai-Rawhiti, tena ra koutou nga morehu tangata o tena waahi o tatou o te iwi maori, me nga aitua o ena waahi, kia ora. Tenei e te iwi i kite iho i a koutou kupu whakamihi mo nga whai korero a Wi Pere, i roto i te Matuhi No. 112 Vol. 11l Wenerei [ls 11 05.] 1 te hui ki Ngatauewaru Te Ore Ore, he kupu paku nei ta matou hei matakitaki iho ma katoa, koia tenei.— E tautoko ana matou i te patai a Ratima Maaka kia Wi Pere. Ka pai to taenga mai mo to patai; ina te mea hei ki atu maku, ko to whakaaetanga i te puru nau i whakaae heoi tena. Ki ta matou titiro kaore i hinga ia Wi Pere te patai a Ratima Maaka, |ko te he, ko te whakahokinga a Wi ki te minita maori, ma ana he tikanga mo nga whenua; me taj)iri atu e matou te korero a Ratima Maaka, na to tatou matua ano na W T i i tuhi tona ingoa ka mana te ture Kaunihera Whenua; te whanautanga o nga tamariki, ko te puru reiti, ko te ture purotu, mete poan hou, kaore i arikarika he roimata te kai ki nga kanohi o te taane, o te Wahine, o te tamaiti, o enei iwi, me-

heinea hoki kaore a Wi i tuhi i tona ingoa e kore e mana enei ture, kei konei nga Komihana mete Minita mo nga mahi nunui, e maaka .haere ana i nga waahi kua riro i a ia, ara i te Kawanatanga, heoi e hika ma ko nga kanohi anake e titiro atu ana, inehemea i ora to tatou whanaunga a Hirini Taiwhanga engari ten a, e kore rawa ia e tuhi i tona ingoa ki nga ture he. Heoi ano na o koutou whanaunga aroha.

Te Korowhiti te Purewa. Marino te Waru me etahi atu. P.S.] He kupu mahue:— Kia Iraia Te Whaiti ara kia koutou katoa, kei te pai ta koutou whakarite ite mema hou kite hoiho hou, kaore e mohio kite kukume ite kaata, kaati e mohio ana tatou he mea kura nga mahi katoa i te ao, kaati ko tenei hanga ko te hoiho koroua me eke iti te kaata whaiutanga i nga pikitanga, koi na hok; te mate, ka taina noa atu i nga ture ka mate nei te maori, heoi. Ko te nuinga o nga hapu o te Arawa kei a Mohi raua ko Paaka, me nga hapu o runga ia Matatua kei a raua tokorua; he takitahi nei kei a Wi Pere me etahi atu o nga mema, ko Tuhoe te iwi kua tino wehe ia Wi Pere, heoi mo tena. Ko te mema e kaha ana ki te pupuri i tona ringa mo nga ture he koi na te tangata ara, kaua e haina.

Na mo te taha ano ki to tatou korua kia Wi Here; e tika ana ano to koutou awhina i a ia, ka mutu ko Wi Pere te mema kaha i nga wa i kaha ai ia, kaati kua nui rawa te aue a etahi iwi o roto i tona rohe pooti inaianei; engari pea ena waahi, kei te ora.

Heoi e te Matuhi tena koe me ou kai whakahaere katoa, kia ora i raro i te inaru o Ihowa o to tatou Ariki. Korowhiti te Purewa. Marino te Waru me etahi atu.