TE WIRA A RORA RUPUHA.

Matuhi, Volume III, Issue 114, 29 November 1905, Page 6

TE WIRA A RORA RUPUHA.

(ki te etita o "te matuhi.") Tena koe:—Tukua atu tena panui hei titiro ma nga morehu o xAotearoa mete Waipounamu, koia tenei e whai ake nei:— Tenei kua pa tetahi aitua ki nga morehu o Porangahau nei, ara kia Hiraani Nopera me ona hapu, ko te aitua nei he wira na te roia o Rupuha, eki ana taua roia na Rora taua wira' Te kupu a Rupuha kaore ia e mohio Id te mahingai' taua Wira, kaore ona tamariki i mohio a Hiraani me ona taina, kaore a Rora i korero kia ratou kua oti taana Wira kia ratou ia ia e ora ana. Kaore he take he a matou kia Rora i kore ai ia e korero kia matau kua oti tona Wira. Ko te korero a Rora ki a matou me ona hapu, e kore rawa ia e mahi Wira, kore rawa atu, tera atu te roanga. Heoi ko nga tangata kai roto i taua Wira ko;--Rupuha Te Hi amm

Henare Te Atua, Hirani Nopera, Keita Paora. Heoi ka pa te pouri kia Hiraani Nopera mo te korenga o tetahi o ona \taina e whakaurua me a ratou tamariki, uru ana ko raua anake i runga i tenei ahua ka mail tonu hei pouri mo Hiraani ia Oketopa nei ka tae a Hiraani kite whare o Rupuha ka ki atu kia Rupuha tona whakaaro me tiki taua Wira ki waenganui i te iwi whakatikatika ai. Rupuha;— Ma taua anake kaua etahi atu e uru mai. Hiraani; — Kaore e pai. I te 18 o Oketopa 1905, ka whakahuihuitia e Hiraani nga hapu o Rora mete iwi kite Poho-o-te-ahu-rangi whare, o Maata Heipora, i te 6 o nga haora ka haere te keehi a Hiraani Nopera, ka mea: — Ko te take o taku whakahuihui ia tatou, mo te Wira a Ro :a, he pouri noku mo aku taina me a matou tamariki, kaore i uru, whakaurua ana ko maua ko nga mea koreuri, tetahi mo nga taonga kaore maua i uru, koia nei nga take i kawea mai ai e au ma nga hapu mete iwi e whakatikatika, kaati mo tenei tuunga ake.

Rupuha:— Kai te pai to take, taku kupu kia koe kaua nga tangata o Porangahau e noho mai i muri i a ikoe akiaki mai ai tetahi whakaaro Iki waho.

Hiraani; — Kaore he tangata kai auri i au, naku tonu taku whakaaro ;ia kawea mai e au taku pouri kia jvhakahaerea e nga hapu mete iwi. ho tetahi kupu au ae, kua tae au ki loneke mo te wira, te kupu a te rehita iaore ana tikanga, engari kia tere te lhakariterite. IHenare Teatua ka mea: —Kei te pai ■ whakaaro, engari taku mohio tera e

uru mai etahi, me etahi i waho atu, tetahi tona mohio, ka nui te korero kino o nga tangata o Porangahau ki a au, tera atu te roanga. Hiraani ka mea:—Kaore ana tikanga inehernea e tika ana te uru mai o etahi atu kaore ana tikanga, pai noa atu.

Rupuha ka mea:—Kei te pai to korero ma taua e whakariterite, kaore hoki au e mohio kite mahinga o tenei wira, kua timata noa atu te riri ki a au i konei tae noa ki Heretaunga, te take o tona riri mo taku kiingaatu kaua au hei whakaurua, kei mate au i ana tamariki, tera atu te roanga. Heoi i whai kupu ahau a Heta Matua, mo te taumaha o nga kupu, ara mo te ahua whakapae o te korero ki nga morehu o Porangahau, ka korero ahau koia e whai.ake nei:—

Ko ahau te morehu o Porangahau nei, ko ahau te morehutanga ote iwi e ora nei; ko ahau ano te tangata tuturu o tenei hapu o Ngati-te-Kiore; kaore au e mohio kia Horomona no Ngati-te-Kiore, korerawahe whakanoa tenei tera atu te roanga o aku kupu, pai atu kaore he korero tito, heoi i waiho atu ma ratou ano e whakariterite taua take a Hiraani i enei ra tata ano, kaati kua kore te whakariterite kua puta ko te panui whakahe mo taua take a Hiraani, me ona hapu mete iwi.

Na e hoa ma, e hara i te pokanoa te uru o nga hapu mete iwi ki roto i tenei aitua, na Rora ano i whakahua, na Hiraani i tuarua, kua marama kite titiro mai.

He whakamaramatanga tenei i te tuku a Rora ki ona hapu me ana tamariki i te wa e toitu ana tona ora, mete whakarongo nga rau tangata o ia iwi o ia iwi.

Te ''Poho-kahungunu" te whare,

Oketopa te marama tau 1901. Ka tu a Rora ka mea, e whai kupu ana au ki aku hapu Ngati-manuhiri, Ngati-te-Kiore, aku paanga katoa i taku taha Manuhiri, ki aku tamariki kia Hiraani me ona taina; engari kia manaaki i to koutou papa, kaua hei kino. Aku paanga i taku taha. Kiore, kia Ngati-te-Kiore kia Henare Teatua. "He pono tenei ohaki, na Rora puake, ko ahau i whai kupu atu ki tona kanohi tonu, kei te he to whakahua ia Henare no.Ngati-te-Kiore, whakahuatia i runga i to whakaaro, ka pai; E kui ka mutu tonu o Ngati-te Kiore e ora nei, ko maua ko koe ka mutu, ko nea korero tenei a nsa kaumatua a to • • • papa a rinpi, ka panuitia atu te reta a Piripi. Rora ka mea:—Kei te pai to korero kaore e mutu taku korero. ka hoki mai au ko taku korero kaore e mutu, e pai ana.

Na e hoa ma, kei te kimi noa matou i te take 1 kaha ai taua hakui kite mahi wira, i runga i te kaha o tana korero ki ona hapu me ana tamariki, i tona kore e korero ki ana tamariki kua oti tana wira kia koutou, kaore he take i kore ai e korero. Heoi' te mohio noa a te whakaaro, kaore taua wira ia Rora, kia ora "Te Matuhi." Heta Matua, Porangahau. Noema 26th 1905.